| |
|
 SANGUB WAA HALYEY DAACADOO HIBO LA SIIYAAYE
|
Dhammaan waad salaamantihiin ummada soomaaliyeed meel kastoo aad joogtaan. Sidaad la socotaan Abwaanka weyn ee Maxamuud C/lahi Sangub ayaa dad wax magarato ahi ku soo oogeen dacwad la yidhi waa kufsi.
Haddaba arrintan oo aan ilaa hadda wax caddayna lagu soo oogin abwaanka, ayaa waxaa gabay ka tiriniya abwaan Maxamuud Axmed Cabdalle oo ka hadlaya xaqdarrada lagula kacay Sangub.
Akhris wanaagsan.
Sangub waa halyey daacadoo hiba la siiyaaye
Habeen dhalad inuu yahay anaan habowga weydiinne
Hanad waa nin suugaan da�weyn hoodo u lahaaye
Wuxu hoga tusaalayn murtida hadiyad noo siiyey
Wuxu qaran u soo heellanaa heesa u abuuray
Hodonkii riwaayadaha iyo heelladiyo jiibta
Higgaadda iyo geeraaraduu heer walba u gaadhay
Halhayskii Xorriyo iyo Qabyaa lagu hadaaqaaye
Waa haykalkii qaranka iyo hiirad lagu faano
Hiifiyo dhibaatiyo nin baday maanta hagardaamo
Halaag baa ku dhici Maxamedow haadda weerariye
Hadimada walaalkood ragbaa haabsadoo jecele
Nacayb huursan baa lagu galaa geesi haabila ahe
Huqda doqoni waa moog tihiyo xidid ku haankiise
Heeryadaa nin goba lagu habsiin haayir baa sida�e
Hohe garasha daranaa kuwaa godobta soo hoystay
Afartaasi arartii hufnayd ha� iyo wawgeed dheh
Heemaalka gabaygaan ka iri horu dhaciisii dheh
Himilada ma leexleexiyee hed iyo waabay dheh
Huluulaha nacayb lala hurdoo hoogey baa ba�aye
Haddii ficil hummaag khayr ku jiro kuma hungoobeene
Haaweydu kuma hoobateen haybad dhaawaca eh
Herdi fulaygu uu kula helaa lala hagaasaaye
Haniyaha sed lama moodo iyo hilibka qaarkiise
Humbaallayska soomaaliyeey kama hagaagtaane
Hebel hebishi uun baa qalbiga haari idin taale
Halaq laba aflaa idin hodiyo hoolifliyo liide
Hagar layska galo iyo colaad uma hamuumteene
Hiil doqona iyo eed hubso la� hadurka beentiisa
Hafar oo naflaha hoodadday kan u haliilaaya
Huwantaa iskaashaday islaam kuma hanuunaane
Haddaan laga hor tegin huubadiyo qudhunka hoos yaalla
Hilqadliyo haddaan lagu jarjarin holoca baaruudda
Fidnaa huri abiidkeed wallee nabadi waa hawle!
W/T: Maxamuud Axmed Cabdalle (Shiine)
Emial: [email protected].
Xigasho: Somalitribune.com |
|
|
|
| |
|
|
 
|
