Home | Submit News | Forum | Contact

Dagaalkii Shalay ee deegaanka Degmada Imay oo dad badan ku dhinteen ayaa waxaa ka qayb qaatay ciidamada dawladda Ethiopia kadib markii buundadaii ay xoog ku mareen kuwa Bariga Imay aygoo raacdaysanayey kuwa dhinaca kale isku uruursaday, hasee yeeshee mudo yar gudaheed waxaa laga qabsaday 3 saldhig oo ay ku jirto buundadii. Intaas ka dib ciidamadii dawlada ayaa dagaalka soo galay ayagoo aad ula dagaalamay ciidamadii qabsaday buundada. Hadda ciidankii dawladda iyo kuwii buundada qabsaday way is hor fadhiyaan oo ma kala fogo. Dagaalka soo noq-noqonaya ee ka socda Tuulada Raaso ee Degmada Salaxaad ayaa ah mid keenay dhimasho, dhaawac iyo Barakac deegaan.

Hadii aan dib ugu laabano dagaalka iyo asbaabaha uu usoo noqnoqonaya ayaa ah inay Sheekhaash rabto inay dhul ku yeelato dhulka Ogadenia. Waxayna rabaan inay xoog ku samaystaan Magaalooyin ayagoo taageero buuxda oo hub iyo dhaqaallaba ka helaya qaar ka mid ah dagaal oogayaasha Xamar. Hadda ka hor hub ay soo direen dagaal oogayaasha Xamar ayaa lagu qabtay Degmada Baarey ee Gobalka Afdheer. Waxaa kaloo ay isku dayeen inay Ethiopia gudaheeda ay hubka ka gataan oo rag masuuliyiin ah oo ka tirsan qabiilka Sheekhaashta ayaa Magaalada Addis Ababa lagu qabtay ayagoo waata gaari buuxa oo hub ah wayna xiran yihiin.

Waxyaabaha lala yaabo ayaa waxay yihiin been abuurashada ay sameeyaan labadan websites Dayniille iyo Onkod oo shaqo ka dhigtay inay qoraan been iska cad waxayna sheegaan inay la dagaalamayaan ONLF iyo qabiilka Ogaadeenka. Arinkaas oo la wada ogyahay inay been tahay ayaa hadii ay dhici lahayd soo dadejin lahayd gaba-gabaynta dagaalka, ee dadka badankiis waxay rabaan in arinkan si nabad-galyo ah lagu xaliyo oo Qabiilkan Sheekhaasheed ay kusoo noqdaan meelihii ay ka guureen oo ay ka toobad keenaan danbiyada iyo gardarada ay maalin kastaba ka galayaan shacabka walaalahood ah ee wali ku ixtiraamaya culimanimadooda iyo wada dhalashadaba.

In kastoo in badan la isku dayey in arinkan si nabad-gelyo ah lagu dhameeyo hadana Sheekhaash wey diideen ayagoo isku halaynayo dagaal oogayaasha Xamar qaarkood iyo ciidamada dawladda Ethiopia gaar ahaan kornaylka ciidamada Gobalka Gindhir. Laakiin, waxaa is weydiin leh muddo intee le'eg ayey taageeradaas socon doontaa.


Carmaalle
Godeynews
Godey