Home | Submit News | Forum | Contact

Waxaa magaalda Godey booqasho ku yimid wafti uu hogaaminayo Safiirka dawladda America u fadhiya Ethiopia iyo Genaralka Ciidamada Bariga Africa ee Fadhigiisu yahay Jabuuti. Safiirka iyo waftigiisu waxay kulamo la yeesheen masuuliyinta gobalka iyo aqoonyahanada gobalka.Safiirka maraykanka ayaa wuxuu keenay 30 mashruuc oo la rabo in laga hirgaliyo degmooyinka DHanaan iyo Godey. Degmada DHanaan ayaa rabaa in laga dayac tiro iskoolada iyo biyo galinta.

Wafdigan ayaa sanadkiii hore yimid magalada Godey, waxeyna ka hirgaliyeen mashaariic ay ka mid yihiin biyo galin,waxeyna dayactireen buundada godey iyo ilaa iyo in kabadan 6 iskool. Waxey kalooy qandaraas ku bixiyeen in Godey Airport loo dhiso terminal weyn, kaas oo hada dhismihiisii socdo oo ay wado Ethiopian Airport Aviation. Dad badan oo deeganka ahna qandaraasyo ayey ka heleen, khaastan dadka leh baabuurta iska-Rogade ah. Todobaadkii hore gudihiisii waxaa isaguna yimid madaxa World Bankiga u fadhiya Ethiopia iyo madax dawladda dhexe ka socda, iyagoo u sheegay inay mushaariic kala gadisan ka hirgalinayaan gobolka Godey, ayna rabto dawldadda Dhexe inay Godey noqoto xurunta Horrumarinta Gobalka oo mashaariic heer Fedaral ah ay dawladdu u hayso magaalada Godey.

Sidoo kale, Xarunta SOS Godey oo si rasmi ah bishan October albaabada loo furayo taasoo lagu xanaanayn karo in ka badan 1000 caruur ah + kuwa iskool kaliya ah u imaan doono xarunta. Xaruntan SOS Village Godey ayaa ah mid casri ah oo ka kooban qaybo kala duwan, dhismaheedu ku kacay illaa iyo 25million Birr. Waxaa isaguna lacag dayac tir ah oo 2.5Million loo qoondeeyey Guriga BEYT MINGSTU ee ku yaalla Godey. Mashruucii biyo xareenka ee Miraa Godey ayaa hadda waxaa la diyaariyey ilaa iyo 2000 Hectres oo la qaybin doono muddo dhaw.

Runtii markaad fiiriso mashaariicdan horumarka ah iyo kuwa kale ee Gobalada kale ee dalkeenii ka socda ayaa waxaa kuu muuqanaysa inuu dhulkii leeyahay yididiillo wanaagsan oo hormarineed, mustaqbalka dadka ku nool dibadda iyo gudahaba wax tar u leh, ee ma laga yaabaa inaan fahano oo aan ka faa;idaysano.


Bur-Jabis
Godeynews.com
Godey