Home | Submit News | Forum | Contact

Degmada Ijaara ee Gobalka NEP oo ah degmada ugu da,da yar degmooyinka Gobalka Waqooyi Bari ee Kenya ayaa hadda waxaa ka socda mashaariic fara badan oo lagu hormarinayo deegaanka degmada Ijaara.

Xarunta laga xukumo degmada ee Masalaani ayaa hadda waxaa ka socda tar-tan adag oo lagu tartamayo qandaraasyo la rabo in la bixiyo. Degmada ayaa sanadkan loo qoondooyayey lacag dhan 480Million Kenya Shillings oo ah horumarinta degmada Sanadkan (District Development Funds 2005). Qandaraasyo fara badan oo kala gadisan ayaa hadda la qaybiyey,dhamaantoodna waxaa hir-gelinaya Qandaraaslayaal kasoo jeeda degmada Ijaara. Sidoo kale waxaa jira lacag kale oo dhan 380 Million Kenya Shillings oo loogu talagalay in lagu hagaajiyo Jidadka Magaalada dhexdeeda ah iyo meelo ka mid ah jidka isku xira Masalaani iyo Mombasa oo buundooyin loo sameynayo buundooyin yar-yar ah si markuu roobku da,o uuna jidku xirmin. Sidoo kale, waxaa qeyb weyn ka qaatay horumarinta degmada qurbo joogta iyo ganacsatada u dhalatay Degmada oo si weyn ugu tar-tamayey dhismaha dhulka iyo horumarinta, dadkaas qurbo joogta ah waxay badnkooda ka ganacsadaan Wadanka South Africa.

Sidaas daraadeed ayaa magaalada Masalani oo ah xuranta Degamada Ijaara ayaa labadii sanadood ee ugu danbaysay waxaa ka muuqday isbadal dhinac kastaba ah hadii ay noqoto xagga dhaqaalaha oo kordhay sida (Micro-Economies) iyo hadii ay noqoto xagga beec-mushturka (Retailers iyo Warahouses etc), waxaa kaloo cirka isku shareeray qiimaha dhulka lagu kala gato, ama ha ahaado mid dhul beeraad ah ama mid deegaanba.

Sidoo kale ganacsatada iyo Maal qabeenada u dhashay Degmada Ijaara ayaa waxay direen wafti soo qiimaynaya qaabkii loo dar-dar gelin lahaa isticmaalka dekadaha Raas-Kaanbooni &Buur-gaabo; kuwaasoo oo ka tirsan Degmada Badhaadhe ee Gobalka Jubbada Hoose, xuduud dhaw la leh deegaanka degmada Ijaara. Dekadahan ayaa hadda ka hor loo isticmaali jiray si gaabis ah.


Godeynews Staff
[email protected]