Home | Submit News | Forum | Contact

Wasiiradii dawladda ee Kenya ayaa dhamaantood la kala diray, marka laga reebo Madaxweyne ku xigeenka iyo qareenka guud. Hase yeeshee waxay dad badan is weydiinayaan maxaa keenay in madaxweynaha wadanka kenya hal mar uu kala diro golihii wasiirada.

Dadweynaha ayaa 21/11 diiday inay madaxweynaha ku taageeraan dastuurka cusub,kasoo golaha wasiirada ee wadanku in muddo ah ku qayb sanaayeen. Hadaba sababta uu madaxweynaha u kala diray dawladiisa ayaa dad badan ku tilmaameen mid uu rabo inuu dib u raadiyo kalsoonida shicibka oo uu ogaaday inaysan raali ka ahayn qaabka ay dawladiisu u shaqayso.

Sidoo kale waxaa meesha isku hayay labao qolo oo wasiir ah oo labada rayi kala watay, waxaana laga yaabaa inuu rabo in midkood uu dawladda ka saaro, taasoo walina loo badaniyo inuu rabo inuu saari doono saaxiibadiisa hadda oo ceeb badan usoo jiiday ayagoo, warbixin khalad ah siin jiray mar walbaba ugana dhigay inay deegaanada ay ka imaadeen dadkoodu u codayn doonaan hirgelinta dastuurka.

Waxaa kale oo ayaduna macquul ah inuusan wasiirnimada dib ugu soo celin kuwii kasoo hor jeedsaday hir gelinta dastuurka oo uu meeshoodii galiyo xubno kasoo jeeda xisbiyada kale ee mucaaradka sida KANU, taas haduu sameeyo waxaa laga yaabaa inay soo dedejiso burbur ku yimaada dawladda Kibaaki sababtoo ah dawladan waa mid wadaag ah oo ay 14 xisbi heshiis ku yihiin, marka xisbigii loo diido waxii uu qayb ahaan u heli lahaa meesha wuu ka baxayaa, oo codkiisa waxu siinayaa mucaaradka.

Hadaba wararka sida rasmiga ah loo sheegayo ayaa waxay leeyihiin inay 7 wasiir ee dastuurka hirgelintiisa kasoo hor jeedsaday ay shir u fadhiyeen markuu madaxweyne Kibaaki telefiishinka ka hadlayay, oo ay ku heshiiyeen in haddii mid ka mid ah la eryo ay dhamaantood is cesilayaan.

Hase yeeshe, arintaan is cisilidda ah ayaa waxaa la kala ogaan doonaa 14 cisho kadib oo ah xiliga uu madaxwaynihu sheegay inuu dib usoo dhisi doono golaha wasiirada ee wadanka.

Deeqow Nuur
Godeynews.com
Garissa