Home | Submit News | Forum | Contact

XOL: Deegaanka Somalida oo kakooban Sagaal gobol iyo 53 dagmo ayaa waxuu gobol iyo magaalo walba ay leedahey miisaaniyad loo qondeeyay oo leh mid mashaariic iyo mid mushahaarba. Haddaba boggan Xaajo.com oo soo xuuraamey sida goboladu u kala helaan miisaaniyadda deegaanka ayaa waxuu soo caddeeyey in gobolka Fiiq uu yahey midka loogu lunsiga badan yahey hantidiisa taasoo aan gaadhin dadkii loogu talo galay laguna cuno magaalada Jijiga.

Gobolkan Fiiqeed oo sanidihii udanbeeyey ay kadhacayeen dagaalo beeleed ayaysan gaadhin wax miisaaniyad ah oo katimaadda deegaanka iyadoo aan sidoo kale laga hirgalin wax mashaariic ah oo anfaca dadka. Xogta aan soo uruurinay waxey qirtey in xitaa haddii hanti loo qondeeyo dagmooyinka kala duwan ee gobolka Fiiq ay uun ku dhamaato jeebabka qaar ka tirsan masuuliyiinta deegaanka. Gobolka Fiiq guud ahaan waxuu ka hooseeyaa waxwalba dagmooyinka intooda kale. Waloow aysan dagmooyinka kale
ee deegaanku wada helin xaqooda haddana gobolkani waa midka ugu daran.

Dagmooyinka ay kakooban tahey Fiiq intooda badan ayay madax xafiisyadoodu ku sugan yihiin magaalada Jijiga iyagoo mushaarkooda ku qaata fadhiga. Waxaa ugu daran oo ay xogtan soo caddeysey in inta badan macalimiinta dagmooyinkaas kumushaarqaata ay joogaan magaalada Jijiga, Addisababa iyo Diridawa iyadoo ay suuro gal tahey in qaarkood ay kasoo maqan yihiin deegaanka walina mushaarkoodii laqaado. Sababta sahashey arintaasna ay tahey maamulka deegaanka oo aan wax ahmiyad ah siinin hubinta hawlaha shaqaalaha gobolada guud ahaan iyo gaar ahaan gobolka Fiiq.

Dhamaan adeegyada bulshada iyo mashaariicda deegaanku fuliyo aad ayay uga liitaan deegaankaas haba ugu daraato xagga waxbarashada, biyaha iyo caafimaadku. Uugu danbeyn mar haddii maamulkii deegaanku dayacey gobolka Fiiqeed waxa umaqan deegaankaasi waxuu noqon karaa bulsho weynta udhalatey, jaaliyadaha dibadaha kunool, waxgaradka iyo cuqaasha gobolku iney hubiyaan sidii gobolkaasi xaqiisa uga heli lahaa miisaaniyadda deegaanka.


Source:Xaajo.com