Home | Submit News | Forum | Contact

Mashruuca biyo xireenka Galbeedka Godey oo ah mid asagu ka miisaaniyad badan wasaaradaha Killilka markii mid mid loo fiiriyo ayaa waxaa in muddo ah jiray dadaal uu waday Madaxa Wasaaradda biyaha Killilka Gurey Fidaar taasoo uu doonayay in wasaaradiisa la hoos geeyo mashruuca Gidhibka, hadii kale mashruuca loo kala qaybiyo 2 qaybood oo kala hoos taga wasaaraddaha Beeraha iyo Biyaha.

Hase yeeshee waxaa arintaas aad uga biya diiday oo kulanno kala yeeshay M/weynaha Killilka odayada dhaqanka ee deegaanka iyo masuuliyiin sar-sare oo maamulka Killilka kamid ah oo danaynaya horumarinta mashruucan. Ugu danbaystii M/weyne Lugbuur ayaa garawsaday dareenkii loo soo gudbiyay oo ku raacay in mashruuca Gidhibka si toos loo hoos geeyo xafiiska M/weynaha Killilka uuna yahay xafiis iskii u madax banaan oo madax xafiiseed ah. Waxaa arintaas soo dhaweeyey dadkii waday dadaalka ah inaan la kala qaybini miisaaniyadda mashruuca, oo hadii laka qaybin lahaa helis gelin lahayd jiritaanka mashruuca oo rajo fara badan laga qabo inuu wax badan ka taro baahida cunto la'aaneed ee ka dhacda Killilka Soomaalida.

Hadaba waxaa caadi iska noqotay in masuuliyiin fara badan oo ku magacaaban madax xafiiseedyo ay wali ku mashquul sanyihiin sidii ay awood dheeraad ah u heli lahaayeen, taasoo laga yaabo inaysan ahayn mid horumarineed, balse ay u badan tahay in la quudaraynayo dhaqaalaha iyo miisaaniyadda looga tala galay waaxdaas.

Madax xafiiseedkan iyo kuwa kaleba waxaa saaran masuuliyadii meelahii loo magacaabay oo ah mid aad u balaaran, loona baahan yahay inay si toos ah uga soo baxaan. Hase yeeshee waxaa hubaal ah inaysan jirin hawl quman oo ka socota xafiisyada killlilka, badankoodna waxay ku mashquul sanyihiin sidii ay dhaqaalle ay dhunsadaan iyo awood dheeraad ah u heli lahaayeen,taasoo runtii ah mid aad looga murugoodo marka aad fiiriso baahida abaareed ee maanta ka jirta gobalada Killilka Soomaalida.


Wacays,
Godeynews.com,
JigJiga.