Home | Submit News | Forum | Contact

baabuurkii cabdulaahi cabdi aadan laag oo ah wasiirka beeraha ee kililka ayaa jijiga ka soo baxey isagoo usucda godey oo raba inuu wadadan kore ka wareego ee dhinaca liibaan iyo afdheer. Waxaa baabuurka saaraa darawalkii oo nin xabashi ah iyo nin kale oo isaguna itoobiyaan ah oo harar ka soo raacey iyo wiilkii istaafka u ahaa wasiirka oo magaciisu yahay Mowliid Daahir Gaarane waxuuna kasoo jeedaa deegaanka Godey.

Hadaba markuu baabuurku maraayo meel 3kl ujirta meesha looga leexdo magaalada Bardoode oo ka mid aheyd degmooyinka soomaalida ee Killilka Oromada la raaciyey ayaa 3 nin oo Oromo ah ey gaadhigii joojiyeen ka dibna rasaas ayey ooda kaga qaaden waana maalintii jumcadii waxaana isla markiiba ku dhintey goobtii marxuumkaas ooy sadex xabadood madaxa kaga dhaceen. Waxaa kale oo labada lugoodba ey jiidheysey darawalkii baabuurka oo isagoo dhaawac ah gaadhigii soo kaxeeyey keeneyna meydkii magaalada Awaash oo maalintii shaley lagu aasey marxuumkaas oo ey ka soo qeyb galeen aaskiisa dadwene badan oo kasoo gurmadey Magaalooyinka JigJiga, Diridhaba iyo Addis ababa.

Dadkii aaska kasoo qayb galay waxaa ka mid ahaa Wasiirkii Beeraha Abdulaahi Abdi Laag, Axmed Mowsar Budul Maareeyaha Masruuca Beeraha Galbeedka Godey iyo Maxamed Macalin Qaalib Gudoomiyihii hore ee Gobolka Godey iyo waliba masuuliin kale oo Killilka Soomaalida iyo Oramada ka yimid.

Markii la aasay marxuumka ka dib waxey booliskii illaalada u ahaa mudane Abdullaahi Abdi Laag ay isla deegaankii shilku ka dhacey ka qabteen 5 nin oo lagu tuhunsan yahey iney ugu yaraan xog ka hayaan gacan ku dhiig- layaashii dilkaas geystey waxeyna ku wareejiyeen booliska fedaraalka ee Dagmada Maeyso oo iyana ka mid ah Dagmooyinkii Oromada loo xukumey
halkaas oo boolisku ku hayaan ragaas la soo qabtey,su aalona laga weydiinayo falkaas la xiriira. Waxaa kale oo masuuliintii labada dhinac isku af garteen iney dadaal weyn ku bixiyaan sidii maxkamad loo hor keeni lahaa dan biilayaashaas faalkan ka danbeeyey.

Ma aha markii ugu horeysey ee deegaankaas falal kan oo kale ahi ka dhoco waxaa mudo 7bilood ka hor ah lagu diley wiil reer Dhagaxbuur ah oo la odhan jirey Karoor oo qaab kanoo kale loo diley isla goobtaas lafteeda iyadoo lagu joojiyey baabuurkiisii kontorool ciidamada Killilka Oromadu gacanta ku hayso oo ku yaala halka looga leexdo Bardoode oo ah meesha agteeda ee hadda lagu diley Mowliid Daahir, waxaa ka horeysey laba nin iyo qof dumar ah oo soomaali ah oo iyagana halkaas sanadkii hore lagu diley gaadhi ey wateena lagu dhacey.

Hadaba waxey noqotey goobtaas goob aad khatar u ah oo ey adag tahey iney si fudud Soomaalidu isaga marto. Maadaama ay arimahani qeyb ka yihiin colaada xun ee u dhaxeysa Soomaalida iyo Oromada ee ka dhalatey deegaanada ey isku heystaan ee intoodii badneyd Oromada la raaciyey.


Cali Dheere
Godeynews.com
Addis ababa