Home | Submit News | Forum | Contact

Warar xog-ogaal ah oo Godeynews kasoo gaaraya magaalada Addisababa ayaa waxay sheegayaan in golaha wasiirada dawladda federaalka Ethiopia oo uu hor kacayo raisul wasaare Zenaawi ay maanta ansixiyeen in laga hirgaliyo killilka Soomaalida Jid dheer oo badankiisu laami yahay kasoo dherarkiisu gaarayo 2058km. Hirgelinta jidadkan ayaa waxaa golaha wasaarudu ku dareen qorshaha horumarinta ee 5 sano ee socota ee wadanka loogu talagaley qaybtiisa khuseeysa horumarinta jidadka dawladda Killilka Soomaalida.

Jidkan qaybtiisa laamiga ah ayaa waxay kasoo bilaamaysaa magaalada Harar ilaa iyo Godey. Jidkan laamiga ah ayaa waxuu soo marayaa magaaloyinka JigJiga, Dhagaxbuur, Qabridahare, iyo Shilaabo. Waxaa jira jidad Jay ah oo cusub oo ka baxaya Godey ilaa iyo degmada Feerfeer oo xaduudka soomaaliya ah iyo mid kale oo ka bilaabanaya Godey illaa Hargeele oo ah xarunta gobalka Afdheer. Waxaa sidoo kale jira jid laami ah oo laga hirgelinaya meelo ka mid ah Gobalka Afdheer khaastan magaalooyinka Hargeele--Baareey iyo Dollo-Adow.

Waxaa iyadana naloo xaqiijiyay inuu jiro jid kale oo kasoo bilaamaya magaalada Baabile oo sii dhexmaraya Gobalka Fiiq illa iyo Imay bari oo ka tirsan Gobalka Godey. Meelo kamid ah Gobalka Libaan ayaa jid laami ah laga hirgalinayaa, hase yeeshee wali nalooma sheegan magaaloyinka ay kala yihiin.

Sida Godeynews loo sheegay jidadkan qaarkood ayaa hadaba dhismahoodii lagu dhexjiraa kuwa kalena waxaa la rabaa in labilaabo sanakan dhexdisa, hase yeeshee waxaa la rabaa in lagu soo gaba gabeeyo 5 sano ee socota.

Sidaan lawada socono isu socodka deeganadaas ayaa ah mid aad u liita badankiisuna ay sabab u tahay wado xumi soo jireen ah oo baabiyay dhaqaalaha dadka beecmushtarka ah ee ukala goosha deegamadaas iyo xaduudka soomaaliya, ganacsatadaas oo hadii mar baabuurtiooda mariyeen jidadka qaar ay adag tahay inay mar danbe kusoo laabtaan jidadkaas sababo jid xumi awgeed.

Qorshaha lagu hirgelinayo Jidadkan ayaa ah miday soo dhaweeyeen shacab weynaha kunool Kililka Somaalida oo runtii u baahnaa in muddo hore mashruucyadan oo kale laga hirgeliyo deeganadaas kuwaasoo wax badan katiri lahaa koritaanka awoododa dhaqaalle. Iskusoo duduuboo hirgerlinta jidadkan ayaa waxay u baahan tahay kharash badan iyo waqti dheer oo hadii ay dawladda fedaraalka hirgaliso wax badan ka badli doono nolosha dadweynaha ku dhaqan deegaanadaas iyo dadka maal-geliyaasha ah ee hadda ka hor ka war-wareegayay inay maalkooda gashadaan deegaanadii ay u dhasheen.

Sidoo kale hirgelinta jidadkan ayaa wax badan ka qaban lahayd dhibaatada dadka ku haysata diyaaradda imaata magalooyinka Killilka Soomalida oo qaada 50 qof oo ka dhaxeysa dadka usocda kililka Soomalida oo dhan runtii hadii aad u baahato inaad aado magaaloyinka qaar sida Shilaabo, Qabridahare iyo Godey ay kugu qaadani muddo inaad hesho kursi banaan, sababtuna ay tahay dadka qaadka ka shaqaysta oo xiriir hoose laleh shaqaalaha diyaaradda u shaqeeya oo u badan qawmiyadda Axmarada.


Wacays,
Godeynews.com
Addisababa.