Home | Submit News | Forum | Contact

Wararka naga soo gaaraya magalaada Dhanaan ee Gobalka Godey ayaa waxay sheegayaan inuu jiro is afgarasho waa ka abuurmay 12 qandaraas oo ay bixiyeen maamulka Degmada Dhanaan.

Degmada Dhanaan ayaa miisanayad sanadeedkeedu gaarayaa 1.7million Birr, taasoo loogu tala galay in lagu socodsiiyo hawlaha iyo kolba waxii mashaariic ah ee kasoda deegaanada hoos yimaada Degmada Dhanaan. Hadaba sida la sheegayo is afgaran waago waxuu ka dhashay markii ay maamulka degmadu soo dhajiyeen 12 qandaraas, isla markaasna ay sheegeen inay wax ka badalayaan qaabkii hadda ka hor lagu bixin jirey qandaraasyada, oo sida la sheegayo u danayn jirtay dad kooban.

Maamulka Degmada Dhanaan ayaa waxay isla garteen in sanadkan qandaraasyada la gaarsiiyo dad badan oo gaaraya illaa iyo 12 qof oo dhamaantood kasoo jeeda deegaanka. Waxaa arinkan si adag uga hor imaaday niman hadda kahor kaligood qaadan jiray waxii qandaraas ah, kuwaasoo lagu kala magaacaabo Muxyadiin SH. Muxumed Iinshaar iyo walaalkiis Saxane Sh. Muxumed Iinshaar.

Labadan ganacsade ayaa awood badan oo xagga dhaqaalaha ah ku leh Magaalada Dhanaan oo qandaraasyada ka sokoow waxay maamulka magaalada ugu hanjabeen inay wax ka badalaan go,aankooda hadii kale ay joojinayaan waxyaabaha kale ee ay u qabtaan magaalada sida; Inay jarayaan Korontada Magaalada maadama ay ayugu leeyihiin Genaratorka magaalada korontada siiya, iyo waliba Gaariga la saaro haamaha biyaha ee magaalada loogu soo dhaamiyo. Hase yeeshee maamulkii ayaa ku adkeystay go,aankoodii hore oo aan badelin. Isla markiiba waxey iyaguna kaga dhabeeyeen hanjabaadoodii oo waxey jareen korontadii magaalada.

Jaritaanka korontada magaalada ayaa dad badan oo deegaanka ah ka caraysiiyay, iyagoo ku tilmaamey inay tahay mid khalad ah inuu hal qof kaligiis uu qaato qandaraas yadii oo dhan, markii la isku dayay in dib loo saxana si dadka kale loo gaarsiyo, uu ku dhaqaaqo ficilkan oo ah mid aan loo baahnayn oo masuuliyad xumi ah.

Sidoo kale waxay jaaliyadda dibadda/gudaha ee Degmada Dhanaan ay amaaneen qaabka uu maamulka degmada u qeybiyay qanadaraasyada, isla markaasna ay u hor istaageen inuu hal shakhsi ku amar ku taagleeyo nidaamkii loo dejiyay in lagu bixiyo qandaraasyada.


By Danwaa,
Godeynews.com
Godey.