Home | Submit News | Forum | Contact

Waxaa in muddo ahba jirey dhaqdhaqaaq siyaasadeed iyo dib isu abaabulid ay wadeen masuuliyiin sarsare, ganacsadayaal, aqoonyahan, iyo odayaal u dhashay deegaanka Joorre, khaastan deegaamada hoos yimaada degmada Badhaadhe ee Gobalka Jubbada House.

Dhaqdhaqaaqan ayaa lagu doonayaa sidii wax looga badali lahaa xaaladda siyaasadeed iyo dhaqan dhaqaale ee deegaanka Joorre, oo leh kheyraad aad u badan oo qaarkiis dabiici yahay sida Dakedo iyo xeebo dhaadheer, dhul beereed, webi-yar, jasiirado dhawr ah iyo waliba xaduudka wadanka kenya oo deegaankaas ku gaaran.

Markaad fiiriso xaduudka dhinaca badda ayaa waxaad arkeysaa in magaalooyinka Lamu iyo Raaskambooni aysa wax badan isu jirin. Halka dhanka kalena magaalada Kulbiyow ay qadar yar uun u jirto magaalada Hulugho oo ka tirsan degmada Ijaara ee Gobalka waqooyi bari.

Sida ay lasocdaan dad badan oo deegaankaas kasoo jeeda ayaa waxay ogyihiin inuu dhulka yahay mid hodan wax kastaba ku ah laakiin aan dadka deegaanku aysa sidii la rabay iyo si kudhaw toona uga faa,ideysanin sababo fara badan dartood, hase yeeshee waxaa hadda lagu guuleystay in la isku xiro labada bulsho ee walaalo ah ee xuduudku u dhexeeyo. Sidoo kale waxaa la isla qaatey in ganacsatada ku dhaqan degmooyinka Gaarissa iyo Ijaara ay maal gashadaan dekadahan dabiiciga ah oo ay wax kala soo dagaan si ay deegaaka laftigiisu ay wax ugu tarto dhinaca dhaqaalaha.

Dhibaatada ugu bada ee hadda ka jirta deegaanka Joorre ayaa ah xaalufinta dhirta, taasoo ay sameeyaan dadyoow ka yimid dhul aad uga fog Gobalka Jubbada Hoose. Xaalufinta dhulka iyo nabad galyada xumida guud ayaa sababtay inay dad badan ka barakacaan deegaamadoodii una gudbaan dhinaca xuduudka Kenya oo ay ka helayaan waxbarasho, caafimaad iyo nabad galyo.

Hase yeeshee dhaqdhaqaaqan danbe ee hadda deegaaka degmada Badhaadhe laga wado ayaa xoogga la saarayaa dhiaca nabadgalyada iyo ka faa,iideysiga kheyraadka deegaanka sida dekadaha, waxaana illaa iyo hadda si fiican loogu guulaystay in laga dhaliyo nabad galyo buuxda, mar dambana aynan dhiceynin in faragalin lagu soo sameeyo deegamada degmada Badhaadhe.

Sidoo kale waxaa hadda lagu hawlan yahay sidii maamul rasmi ah oo loo dhan yahay loogu samayn lahaa degmada Badhaadhe, si uu ula jaanqaado haday noqoto in ismaamulka gobaleed loo sameeyo goballada Jubooyinka ee dadka Absamuhu u badan yihiin.


PS. Waxaan dib idinku soo gudbin doonaa magacyada guddiga ku hawlan socodsiinta iyo hirgelinta hawsha lagu hormarinayo deegaaka Joorre.

By Abdirisaaq,
Godeynews.com
Hulugho-Kenya.