Home | Submit News | Forum | Contact

Shir ay soo qabanqaabiyeen Guddiga Mashruuca Horumarinta Waxbarashadda ee Magaalada Qabridaharre ayaa Sabtidii oo bisha Febraayo 25, 2006 ka dhacay magaaladda San Diego ee California, dalka Maraykanka. Waxaa shirkaas ka soo qaybgalay dad weyne tiro badan oo ka soo jeeda magaaladda Qabridaharre iyo kuwo deegaanka Soomaalida ee Itoobiya ka soo jeeda.

Mudane Asad Cabdirisaaq Maxamed oo ka mid ah aasaaseyaashii mashruucan ayaa dadkii shirka ka soo qaybgalay mahadcelni iyo boogaadin u jeediyey, wuxuuna hadalkii ku soo dhaweeyey Guddoomiyaha mashruuca Mudane Axmed Cabdi Haybe. Guddoomiyuhu wuxuu halkaas ka soo jeediyey warbixin dheer oo ku saabsan bilowgii iyo gabagabadii mashruuca wejigii koowaad. Mudane Haybe wuxuu sheegay in dhaqaalihii iyo taageeradii dadweynuhu ay isbeddel weyn oo muuqan kara ka sameysay dugsiyad shanta ah eek u yaal Qabridaharre oo ay dhigtaan adey tiradoodu dhan tayeynta waxbarashadda tahay 8,086.

Asad Cabdirisaaq ayaa isna si kooban uga warramay dhaqaalihii uu mashruucu ka kala helay magaalooyinka San Diego, Minneapolis, Denver oo Maraykanka ku yaal iyo waddanka Koonfurta Afrrika.iyo weliba sidii ay lacagtaas u kharash gareeyeen.

Dadweynihii shirkaas ka soo qaybgalay waxay halkaas ku daawadeen cajalad maqal iyo muuqaalba ah, oo ka warbixinaysa waxqabadkii mashruuca ee wejiga koowaad. Dadweynihii shirka joogay oo aad iyo aad ugu qancay sida cilmiyeysan ee madaxda mashruucu u soo gudbiyeen warbixinta ayaa ammaan iyo bogaadin u soo jeediyey. Kullankaas waxaa lagu heshiiyey in wejigii labaad oo ah Tayeynta Waxbarashadda magaaladda Qabridaharre la bilaabo. Arrinta labaad ee la isku af gartay dood si dimoqiraadiyad ah u dhacay kedib waxay ahayd oo la isku raacay in qoys ama shakhsi kasta oo gaar u nool kana soo jeeda deegaanka Qorraxey inuu bixiyo laba boqol oo doolar ($200) sannadkii, taas oo ay lixdii biloodba boqol doolar bixiyaan. Lacagtaas xubnimada mashruuca ah waxay u dhigantaa lix iyo toban doolar iyo lixdan senti bishiiba ($16.60). Go� aankaas oo ay horey reer Minneapolis u qaateen ayay iyana ku raaceen.

Guddoomiye Haybe wuxuu ka codsadey dadweynaha reer Qorraxey inay u guntdaan sare u qaadista waxbarashadda magaaladda Qabridaharre, wuxuuna ku booriyey laamaha hada ay wakiiladu ka joogaan oo ay ka midka yihiin Dalka Boqortooyada Ingiriisiga (UK), Sweden, oo qaarada Yurub ku yaal, Kuwait, Boqortooyada Sacuudi Carabiya, Australia, iyo Itoobiya hawl galaan. Waxaan halkan ka soo dhaweynaa shirka magaalada Oslo ee waddanka Norway isla manta ka dhacay. Waxaanan leenahay guuleysta.

Shirkaas Mashruuca Horumarinta Waxbarashadda Qabridaharre wuxuu ku dhammaaday si guul iyo farxad leh. Jawiga dhammaadka shirku wuxuu ahaa mid dhiirigaliyey hawl-wadeenada mashruuca.

Hadafkeyagu waa Horusocod!!!

By Ahmed Abdille
E-mail: [email protected]