Home | Submit News | Forum | Contact

Waxaan ka wada war haynaa in caasimadda London ay ku sugan yihiin qayb kamid ah Oday dhaqameedka Ismaamulka Soomaalida Ogaadeeniya oo hadda jooga muddo ku dhaw todabaad, qorshahooduna uu ahaa sidii ay ula kulmi lahaayeen jaaliyadaha reer Ogaadeeniya ee ku dhaqan dibadaha iyo sidii ay dib ugu furi lahaayeen wada hadaladii nabad raadineed ay hadda kahor ka dhex wadeen jabhadda ONLF iyo dawladda Ethiopia.

Hase yeeshee maxaa illaa iyo hadda u qabsoomay?

Sidaan lawada socono odayadu wali si rasmi ah uma dhex gelin hawlihii nabad raadinta khaastan qaybtii ku wajahneed la kulanka jabhadda oo aay odayadu rabaan inay xoog saraan sidii ay kulan rasmi ah ula yeelan lahaayeen masuuliyiinta jabhadda khaastan xubnahooda uu wax ka go,o, kuwaaasoo sida muuqata aan hadda ku sugnayn London.

Hadaba waxaa jaaliyadda reer Ogaadeeniya ee London labadii maalmood ee lasoo dhaafay isla dhex marayeen inay jiraan qolyo odayaasha dalbaday inay la kulmaan Sabtida soo socota, iyagoo isla markaasna isku magacaabay inay yihiin kuwa jabhadda gacanta kuhaya oo aysan hadalkooda daba mari karin oo ogolaysiin kara waxay iyagu rabaan.

Laakiin dad siyaasadda jabhadda indha indheeya isla markaasna aqoon fiican u leh dadkan iskood isugu magacaabay ayaa arinkaas ku tilmaamay mid helis ah oo odayaasha ku keeni kara jahwareer hor leh iyo kalsooni xumi kaga imaata dhinaca jabhadda oo sida hadaba muuqata aan wali diyaar u ahayn inay kulan fool ka fool ah la yeeshaan odayaasha.

Isla dadkan sheeganaya inay xiriir wanaagsan la leeyiihiiin jabhadda ayaa laftigoodu wareersan oo salax tuubin ku haya ujeedadooduna ku salaysan tahay xog uruursi wajiyo fara badan leh oo ay ka doonayaan dhinaca odayaasha sida ay u damacsan yihiin la kulanka masuuliyiinta jabhadda iyo waliba usii kala sheekayn odayaasha iyo jabhadda.

Isku soo wada duudoobaa waxaa odayaasha u yaalla hawlo fara badan oo ay kukala guraan arimaha guracan ee la rabo inay xal u helaan oo badankooda ku xiran jaaliyadahooda dibaddaha kunool oo u kala qaybsan siyaabooyin fara badan sida kuwa raba in la raaco taariikhdii soo jireenka ahayd ee qoriga afkiisa ahayd ( ONLF) iyo kuwa dagaaladii soo kareen( ururada u ololeeya nabad gelyada) oo mar uun raba inay indhahooda ku arkaan iyagoo ka gudbay colaadan soo jireenka ah ee qayrkood ka reebtay.

Cali Godey,
Godeynews.com
Denmarka.