Home | Submit News | Forum | Contact

Qaybtii 2aad ee Guurtiddii reer Ogadenya ayaa xalay abaarihii 9:00pm ee wakhtiga Ohio soo gaadhay magaalada caasimada ah ee Columbus.

Salaadiinta reer Ogadenya waxaa Columbus Airport si diiran ugu soo dhaweeyay dadwayne aad u balaadhan oo kasocda Jaaliyada reer Ogadenya.

Ugas Abdirahman Ugas Muhumed Ugas Qani oo hadal gaaban ka jeediyay halkaas ayaa aad ugu mahad naqay Jaalida reer Columbus sida layaabka leh ee ay u soo dhaweeyeen Salaadiintooda nabada iyo wanaaga kashaqaynaya. Ugas ka oo ku hadlayay magaca Salaadiinta waxaa uu sheegay in Salaadiintu ay yihiin hogaankii iyo madaxdii shacbiga reer Ogadenya ayna mudan yihiin in lala garto danta iyo maslaxada ay ka duulayaan, si loo gaadho xal waara oo nabad iyo horumar salka ku haya.

Ali Mataan Askar oo ku magac dheer Ali-Aar ayaa mahad naq usoo jeediyay Jaaliyada reer Columbus, waxuuna sheegay inay walaaladood u yimaadeen doonayaana inay wada tashi layeeshaan si loo gaadho nabad iyo barwaaqo.

Sheekh Mahamed A/llahi ayaa Cashadii kadib halkaas kaduceeyay isagoo Alle ka baryay in umada ay matalayaan iyo Jaaliyadaha dibada dhamaan nabad iyo khayr aduun iyo aakhiraba lakulansiiyo, quluubtooda wanaajiyo.

Hadalkaa gaaban kadib, gudigii farsamada ee reer Columbus ayaa Salaadiinta u qaaday Hotel Casho loogu diyaariyay. Cashaddii kadib waxaa hadal gaaban jeediyay Mr. Muse Moalin MuseSafari oo ku hadlayay magaca gudiga farsamada ee reer Columbus, waxuuna Guurtida uga mahad celiyay fursada ay Jaalida reer Columbus u siiyeen inay noqdaan meeshii ugu horaysay ee ay Salaadiintu hawshooda kabilaabaan.

MusaSafari waxuu Guurtida u sheegay inay Columbus noqondoonto meel bilow fiican u yeelata Salaadiinta. MusaSafaari oo ah maamulaha Safaari Travel Agency waxuu intaa ku daray in Salaadiinta loo fududayndoono hawla hooda, dhalinyaro firfircoona loo diyaariyay.

Salaadiinta oo sida aynu og nahay hawshoodii si rasmi ah uga bilaabi doona Columbus Ohio ayaanu dib idin kala socodsiin doonaa waxii kasoo kordha mishinkooda.

Fadlan waxii warar ah ee kasoo kordha Salaadiinta iyo mishinkooda Columbus iyo waliba meesha ay kasii aadayaan kala soco GodeyNews.com.

GodeyNews Staff
GodeyNews.com