Home | Submit News | Forum | Contact

Warar la isku halayn karo oo Godeynews kasoo gaaraya xubno muhiim ah oo kamid ah jaaliyaddaha reer Ogaadeeniya ee Waqooyiga America ayaa waxay sheegayaan inay jiraan xubno muhiim ah oo kamid ah Jabhadda ONLF oo ku dadaalaya sidii uu udhici lahaa kulan dhexmara Ugaasyada jooga Maraykanka iyo Gudoomiye ku-xigeenka Ururka ONLF Maxamed Ismaaciil oo hadda kahor meelo fara badan ka sheegay inuusan la kulmaynin odayaasha, isla markaasna ay yihiin qaarkood kuwa la shaqeeya gumaysiga.

Xubnahaas ayaa go,aankaas qaatay kadib markii ay ka qayb geleen shirkii magaalada OHIO oo ay odayaashu wacdaro kadhigeen si fiicana u qanciyeen dadkii meesha iskugu tagay kuwa jabhada ah iyo kuwa kaleba, isla markaasna si fiican ugu guulaystay kalsoonidooda oo buuxda.

Hadaba maadaama ay bulshuda reer Ogaadeeniya intooda wax garadka ah ay isku raacsan yihiin inay odayaashu yihiin kuwa kaliya ee matala nidaamka dhaqanka ee deegaanka ayaa hadana waxay in muddo ah u taagnaayeen (dibaddana u yimaadeen) sidii loosoo afjari lahaa siyaasadda cakiran ee deegaanka.


Dhinaca kale waxay jabhaddu markii hore isla dhexmarayeen inay odayaashu shaqo ku lehayn arimaha siyaasadda ee la isku haysto, rayigooduna uu la mid yahay kan dawladda Ethiopia. Balse taas waxaa isku fuufuuqsatay markii uu dhacay shirkii u horeeyay ee odyaashu ku qabteen magaalada OHIO kaasooy dad aad u badan kasoo qayb galeen dhamaan dadkii meesha iskugu yimidna ay isku raaceen inay odayaashu yihiin kuwa ku taagan jidka saxda ah ee xalka lagu gaari lahaa, isla markaasna ay jabhadda ONLF qasab ku tahay inay la kulanto oo welina ay ogalaadaan waxay ku taliyaan.

Hadii kale meel fog ayaa laga raadini hawsha ay hadda kasoo dhaweeyeen dawladda Ethiopia oo in badan diiday inay wax aqoonsi ah siiso jiritaanka jabhadda ONLF iyo waliba waxyaabaha ay ka cabanayaan toona.

Hadaba si taas looga gudbo ayaa waxay xubnahan u istaageen sidii ay suurowbo lahayd kulan dhexmara odayada iyo Maxamed Ismaaciil oo runtii hadii ay ku guulaystaan saameyn balaaran oo siyaasadeed ku yeelan kara jawiga shirka loo soo qaban qaabiyay Odayaasha qaybtooda Yurub ee 23/04/06 ka dhici doona Magaalada London.


Godeynews Staff
[email protected]
Sandiego, USA