Home | Submit News | Forum | Contact

Guurtada Ismaamulka Soomaalida Ogaadeeniya qaybtooda Yurub ayaa waxay soo gaba gabeeyeen shalay 13/05/06 shirkoodii ugu danbeeyay ee ay in mudaba ahba kula kulmayeen jaaliyadahooda dibadda kunool.

Shirkaas ayaa waxuu kadhacay magaalada Stockholm-Sweden waxaanu sidii kuwii hore oo kale ahaa mid si heer sare ah loo soo abaabulay oo dadkii iyo masuuliyintii meesha iskugu yimidba ay ku qanceen qaabka hufan ee loo maamulayay shirka iyo waliba qaabka wax garadnimada ah ee ay odayaashu uga jawaabayeen kolba waxii su,aal ah ee dadweynihu weydiiyaan.

Waxaa shirkaas ka soo qeyb galey dadweyne aad u badan oo u dhashey deegaanka waxuuna shirku u dhacay sidan;









Waxaa marka hore shirka sida caadiga ahayd lagu furay aayadaha quraanka iyo wacdi kooban oo uusoo jeediyay nin culumo ah

Waxaa sharaxaad hufan laga bixiyay odayada iyo hawlaha ay inta badan kujireen

Hadal kooban oo uu jeediyay Gudoomiyaha Jaalliyada Sweden ee reer Ogaadeeniya

Aqoon yahano ujeediyay dadweynaha hadallo iyo tusaalooyin wanaagsan oo ay ku taageerayaan rayiga nabadda ee odayadu hormuudka ka yihiin

Intaas kadib waxaa la dhagaysatay warbixintii odayada oo ay si balaaran oo tafatiran guurtada ugu soo jeediyeen dadweynaha shirka kasoo qayb galay oo sacab iyo mashxarado isku darayay markay odayaashu hadalka bilaabeen.

Guurtadu waxay aad uga hadleen wadciga guud ee dhulkii hooyo kusugan yahay iyo ujeedada safarkooda waxii u qabsoomay iyo waxaan u qabsoomin iyo waliba sida ugu wanaagsan ee maanta nalooga baahan yahay inaan garano danteena iyo fursadahan na horyaalle oo ah kuwa taariikhi ah una baahan dad caqli leh oo ka faa,iidaysta.

Intaas kadib waxaa dadweyniihii loo fasaxay inay guurtada su,aalahooda usoo gudbiyaan, taasoo si fiican looga wada qanciyaya waxii su,aallo ah ay weydiiyeen guurtada.

Sidoo kale waxaa shirkan kasoo baxay sidii shirarkii hore oo kale bayaan lagu taageeriyo rayiga nabadda ee ay odayaashu wadeen, hase yeeshee wali bayaankaas Godeynews masoo gaarin ee qoraaladaanada danbe lasocda.

Shirkan ayaa waxuu noqonayaa kii ugu danbeeyay ee ay guurtadu kusoo gaba gabeeyaan hawlahoodii iyo shirarkoodii ay inta mudadaba ah kala kulmayeen jaalliyadahooda ku dhaqan wadanka dibadiisa.


Godeynews Staff
Stockholm,
Sweden.