Home | Submit News | Forum | Contact

Magaalada Godey ayaa inta badan waxaa ka dhaca abaaro wax yeeleeya mar walbaba deegaanada hoos yimaada iyo waliba magalooyinka kale oo ku hareeraysan oo siyaabooyin kala gedisan shacab koodu ugu tiirsan yihiin Godey..

Sidoo kale waxaa inta badan markay dhibaatadaas oo kale dhacdo iskugu yimaada dhamaan waxii hayad ah ee gargaar u wada gobalada kale ee xaduudka la wadaaga Godey, maadaama uu kuyaallo Airport wanaagsan oo noocyada kala gedisan ee diyaaradahu si dhib yar ugu degi karaan, waxaana maal mahaan danbe magaalada aad ugu soo batay hayado hor leh oo rabo inay kusoo biiraan kuwii hadda ka hor daganaa.

Haydahan qaarkoodna waxay rabaan inay saldhigyo ka samaystaan magaalada si ay xiliyada abaarta kaalmo degdeg ah u gaarsiiyaan meelaha abaaruhu ka dhacaan, isla markaasna waxayba qaarkood sheegayaan inay si rasmi ah Godey ugu soo rarayaan xarumahooda dhexe ee wadanka Ethiopia ku leeyihiin.

Dhinaca kale waxaa jira dhibaatooyin soo food saaray oo ay ugu horeyso guri la,aan ka taagan magaalada oo aan lahayn guryo waaweyn oo banaan oo ay hayaduhu kiraystaan, sababtoo ah tayada guryaha quman ee ku yaalla magaaladu oo ay hayado degi karaan oo ah mid aad u hooseysa amaba sii gabaabsi ah oo hortood la qaatay.

Haydihii hadda kahor ku sugnaa magaalada ee saldhigyada ku lahaa ayaa dhamaantood dhistay guryo (xarumo) ay iyagu iska leeyiihiin oo ay kaga baxeen dhibaatada guri la,aaneed ee kajirta Godey. Dhinaca kale baahidan guri la,aaneed ayaa waxay keentay in guryihii kiradoodii uu sicir barar ku dhacay oo ay hal mar cirka tageen iyadoo la sheegayo in karadii guryaha wanaagsan ay marayaan 6000-7000 birr, walina ay hayadahu la yihiin guryo quman oo ay sii karaystaan inta ay xarumo ka dhisanayaan.

Inta badan waxaa markasta oo ay abaar dhacdo dhulka tago hayado fara badan oo sheega inay dadka wax u qabanayaan, balse inta badan wax quman kama badalaan xaaladaha lagaga hortagyo abaaraha iyo wax ka qabashada xiliga ku aadan oo aad moodo inay mar walbaba aysan imaanin xiliga ugu haboon ee baahida ugu daran kajirto deegaanka.

Cumar Yare,
Godeynews.com
Godey.