Home | Submit News | Forum | Contact

Shirkii xafiiska raisul wasaare Zenaawi uu ugu yeeray xubnaha guddiga fulinta xisbiga maamula Ismaamulka Soomaalida oo ay goobjoog ka ahayeen wasaradda kililada iyo madaxda ciidamada ayaa sida la sheegayo waxyaabo badan lagu soo qaaday, kuwaasoo badankooda hadda kahor laga filayay inay ka hirgeliyaan gudaha deegaanada Soomaalida.

Arimaha sida qotada dheer raisul wasaare Zenawi kala hadlay xubnahan gudiga fulinta, wasiirka kililada iyo Generaalka ciidamada ayaa waxaa kamid ah; Arimaha Nabad-galyada, musqmaasuqa iyo hirgelinta mashaariic Horumarineed oo heer federal ah.

Markii laga hadlayay qodabka nabad galyada waxaa meesha loogu sheegay inay maamulka kililka iyo ciidamaduba ay qayb ka yihiin nabad galyo xumida deegaanka. Waxuuna sheegay in shacabka ismaamulka soomaalida ay aad ugu dul qaateen maamul xumidan kajirta deegaanka oo idinku si wadajir ah u badeen. Sababtoo ah waxaad maamuladii gaarsiin waydeen degmooyinka iyo tuulooyinka iyo waliba meelaha kasii hooseeya oo uu kaliya ku egyahay magaalooyinka waaweyn sida xarunta JigJiga oo noqotay meesha xubnaha baarlamaanku ay ku dhamaystaan 5 sano iyagoo wali qayilaya oo ninba nin haysto.


Dhinaca kale Zenaawi ayaa ad u amaanay maruu ka hadlayay hawshi ay soo qabteen guurtadii ismaamulka soomaalida ee hadda kahor arimaha nabadgalyada dibadda u aaday aya waxuu u sheegay in si degdegh ah looga cawiyo sidii shirweyne loogu qaban lahaa guduha wadanka, kasoo kasoo qayb galaan jaaliyadaha dibadda iyo kuwa gudahaba. Waxuuna loo sheegay in xubna guddiga fulinta ay dib isugu noqdan oo ay soo qimeeyan waxa ay dawlada dhexe uga bahan yihiin, tasooy hadda ku guda jiraan diyarinteeda.

Sidoo kale waxaa dawladdu ogaysiisay inay dar-dar cusub gelinayso dhamaystirka jidka laamiga ah oo wajiga ugu horeysa imaan doono Shilaabo,Godey, kadibna usii gudbi doono magaaloyinka kale ee kuyaalla xuduudka soomaaliya. Waxaa isla meeshaas xubnihii looga sheegay in dawladda dhexe ay qandaraaskii jidka lagu dhisi lahaa ay dib ugala noqotay shirkad dawladde dhexe ahaa oo hadda kahor haystay qandaraaskaas, balse hadda ay ku wareejiyeen shirkad Chinese ah oo la filayo inay ka wax qabad santahay midii hore loona qaban doono xili kooban oo ay kusoo gabagabayso dhisitaanka jidadkan.

Dhinaca kale waxaa xubnahan loo sheegay inay dawladdu dhexe ay ku hawlan tahay sidii ay degdeg ugu hawl gelin lahayd shirkado ku guulaystay soo saaritaanka shidaalka (Ogaden Basin) ee Hilale iyo Jeexdin oo labaduba ku yaalla deegaanka Ismaamulka Soomaalida Ogaadeeniya.

Sida laga wada warhayo kulanadan oo kale u dhexeeya masuuliyiinta Ismaamulka Soomaalida iyo dawladda dhexe in badan ayay hadda kahor dhaceenn, kuwaasoo sida caadiga ah balan qaadyo lagu sameeyo, balse waxba kama hirgalo maadaama uusan jirin cid la xisaabtanta dadka loogu tala galay hirgelinta hawshaas.

Laakiin waxaa ugub ah oo aan hadda kahor dhicin ayagoo is horfadhiya inuu raisul wasare Zenawi uu hal mar si wadajir ah uwada eedeeyo wasiirka kililada, generaalka ciidamada ee Harar fadhiya iyo masuuliyinta kilika.

Cumar YARE,
Godeynews.com
Addisababa.