Home | Submit News | Forum | Contact

M/weynaha dawlad gobaleedka ismaamulka soomaalida Ethiopia ayaa waxuu maanta kulan la yeeshay guurtada Ismaamulka Soomaalida, iyagoo kala hadlay si toos ahna ugu jeediyay dhaliilo fara badan oo maamulkiisa kajira

Sida lasheegyo mudane Lugbuur ayaa markii hore dalbaday inuu kulan layeesho guurtada si u ugala tashado sida ugu fiican ee ay is leeyihiin maamulkiisu hawshiisa wuu ku gudan karaa iyo walina inay dareen siiyaan waxii dhaliil ah ee lagu eedaynayo maamulkiisa.

Hase yeeshee dhaliilo fara badan kadib ayaa waxaa lasheegayaa inuu mudane Lugbuur meeshaas kasoo jeediyay balan qaadyo fara badan oo ay ugu horeysa sii xoojinta maamulkiisa iyo waliba soo celinta kala denbaynta maamulka dhexdiisa oo faraha ka baxday, taasoo JigJiga lagaga sheekaysto in wasiirada qaar ay ka awood badan yihiin m/weynaha Kililka oo ay iyagu awoodiisa isticmalaan.

Hadaba maanta mudane Lugbuur oo raba inuu dib usoo celiyo sumcadiisii ayaa waxuu guurtada iyo xubno kale oo isaga tageersan u balan qaaday inuu xilli dhaw soo celinayo kala danbayntii mamuleed ee Kilika, isla markaasna uusan intaa kabadan u dul qaadan karin xubnahan maamulkiisa ka dhex wada qarbudaada iyo is qab-qabsiga. Iyadoo xubin kastana ay ku ekaan doonto, lagunana xisaabtami doono sidii ay uga soo bixdo hawsha loo qorsheeyay fulintaankeeda.

Dadka indha-indheeya siyaasadda kilika Soomaalida ayaa is qabqabsigan ku tilmaamay mid la mid ah kuwii maamuladii hore oo kale, oo inta badan muddo qaata in lagu kala adkaado. Dhinaca kale mudane Lugbuur ayaa u sheegaya xubnaha kasoo horjeeda inuu isagu meesha wali kataliyo, maadama ay kusoo fashilmeen isku dayitankoodii lagu rabay in lagu burburiyo maamulkiisa.

Isku soo wada ururiyoo shacabka ku dhaqan Ismamulka Soomaalida Ethiopia ayaan cidna ka warhaynin dhibatadooda oo inta badan ay fuliyaan kuwa sheeganaya inay iyaga dantooda matalaan.

Cumar Yare,
Godeynews.com
JigJiga.