Home | Submit News | Forum | Contact

Warar dheeraad ah oo aan ka helnay wariyaha Godeynews ee magalada JigJiga oo kusaabsan khilaafka iyo mugdiga soo kala dhex galay maamulka kililka ayaa waxaa malinba maalinta ka danbaysa warar is daba socda oo ay is dhafsadeen musuuliyinta ka qayb gelay shirkii ay kula kulmeen Zenaawi.

Markii dib laiskugu soo noqday maalintii labaad ayaa waxaa meesha isa soo hor fariistay sadexdi qolo ee meesha wada maamulanayay kuwaasoo kala ah ciidamada, wasaarada kililada iyo madaxda kililka soomaalida.

* Waxaa dacwadii kowaad soo jeediyay ciidamada oo sheegay inaysan iyagu waxba weydisanin maamulka balse ay iyagu yihiin kuwa markastaba isku daya inay nasoo dhex geliyan mamulkooda iyagoo ninba nin soo dacweynayo. Sidaas darteed anagu uma aragno in dadka deeganku haysto maamul wax tar ah ee dadka maamul cusub haloo sameeyo. Laakiin waxan balan qaadayna inaan gacanta kala baxayno hadda waxii ka danbeeya

* Dacwadi labaad wasaradda Kililada oo iyaduna dhinaceeda kasheegaty inaysan wax badan kala soconin kilka Soomalida, hadii ay katagi weydo waxaan kala xiriiri jirnay 3 xubin oo af axmaariga yaqaana kuwaasoo laga yaabo inay mararka qaar nasiin jireen warar been ah oo kusalaysan dana gaar ah.

* Dacwadii saddexaad waxaa hadalkii qaatay m/weynihii hore ee kililka mudane Cabdi Jibriil oo dacwo adag kusoo oogay m/weyne Lugbuur isagoo sheegay inuu ninkan dhunsaday lacago fara badan, isla markaasna yahay nin aad u jilicsan oo maamulkiisii iyo musuliyadiisii m/weynanimba uu gacanta ka bixiyay oo haba yaratee wax u meesha kuhayo aysan jirin, dawladana looga baahan yahay inay arintan gacanta lasoo gasho si maamul
cusub oo wax qabad ah loo sameeyo.

Waxaa si adag hadalkas uga hor yimid mudane Xamow oo weerar adag ku qaday c/jibriil isaga oo sheegay inuu ninkan yahay nin daciif ah oo wali ka samri la kursigii m/weynanimada ee doorashadii hore laga qaaday, waana ninka sunta la dhex wareegaya kilika soomalida ee shaqadu kasocon ladahay. Hadalkaas markay Xamow iyo C/jibriil ay si kulul isu dhaafsadeen ayaa intii kale dhulka wada firiyeen oo qof qofka kale fiiriya ayaa la waayay;

Waxaa la sheegayaa in ninka dhulka xukuma kuyiri maxaad intiina kale u aamusteen oo aad dhulka u wada fiirinaysan, muddo labo daqiiqo ah kadib ayaa waxaa hadlay mudane Gurey Fidaar oo sheegay in sababta loo aamusay ay tahay cabsi darteed ama(Kalsooni darro) maadama aan hadda kahor loo baranin in si xor ah sidan oo kale loogu wada doodi karo.

Intaas kadib ayaa si miisaan la,aan ah ay xubnihii kale u bilaabeen in ninba ninka kale wax kasheego.

Isku soo ururiyoo waxii meesha kadhacay waxuu sii muujinaya oo kaliya awood la,aanta maamuleed ee Kilika iyo waliba kalsooni la,aanta haysata masuuliyiin kusheega hogaminaya Imaamulka Soomalida Ethiopia.

Cumar Yare,
Godeynews.com
JigJiga.