Home | Submit News | Forum | Contact

Sheekh Xasan Dahir Aweys oo ah madaxa Isutagga Maxaakimta islaamka oo hadda gacanta kuhaya meelo fara badan oo koonfurta Soomaliya kamid ah, ayaa waxuu weraysi siiyay warsidaha AFP isagoo si adag u weeraray siyasadda dawladda Ethiopia ee ku wajahan umadda soomaliyeed ee 15ka sano burbursaneed.

Dhinaca kale isagoo hadalkiisii sii wata waxuu sheegay in Ethiopia ay gumaysato dhul soomaliyeed oo uu kusheegay gobalka Ogaden, isla markaasna waxuu sii raaciyay "waxaan diyaar u nahay inaan dawladda Ethiopia wada hadal kala galno dhulkaas soomaaliyeed ee ay gumaysato"

Sidoo kale Sheekh Xasan Dahir Aweys waxuu mar kale hadalkiisii ku daray " Waxan diyaar u nahay wada hadal dhulka somaaliada Ogadeeniya" Waxuu kaloo Sheekhu raaciyay " Ethiopia waxa dhulka siiyay gumaystayashii hore (Europeanka) ahaa waxayna si xun ula dhaqantaa dadka soomaliyeed ee ay xukunto. Taas ayaanu uraadinaynaa inaan uhelno xal cadaalad ah oo soo afjara khilaafka labada wadan" Soomaaliya & Ethiopia.

Hadaladan kasoo yeeraya Sheekh Xasan Daahir Aweys ayaa waxaa laga yabaa inay sii xoojiso dareenka iyo cabsida ay dawladda Ethiopia ka muujisay in laga yaabo in awooda Maxaakiimtu Islaamku ay kusoo faafto gobalka ismaamulka Soomalida oo maamul quman oo tayo leh uusan kajirin.


Dadka sida khaladaka ah magaca qadiyadan u isticmaala ayaa midabo badan leh oo aan la garan wayeenin, maadaama ay dano gaar ah leeyihiin. Sheekh Xasan Daahir Aweys waxaa hadaladan ugu horeeyay dagaal oogayaashii Xamar inta uusan ka adkaanin ayaa markii ay is heyeen Cabdullaahi Yuusuf waxay ideecadaha kadhihi jireen "Ethiopia wa cadawga soomaalida oo dhul iyo dad soomaaliyeed bay gumaystaa" balse markay isku dhufteen iyaga maxaakiimtu oo ay arkeen in laga awood badan hayo ayaa waxay isla markiiba bilaabeen inay dhahaan waxa nala dagaalamaya dad ajnabi ah oo kayimid kilika shanaad iyo midka Oromada. Waxayna bilaabeen inay aflagaadeeyaan xubno Absame ah oo kujira dawladda kumeel gaarka ah ee soomaaliyeed iyagoo ku sheegaya inay yihiin ONLF ee dhulkoodii ha adaan.

Isku soo ururiyoo shacabka ku dhaqan Ismaamulka Somaalida Ogaadeeniya ayaan iyagu qofna u wakiilanin inay magacoodu kuhadlaan, balse hadalkan waxuu sii kordhinayaa dareenkii ahaa in wali gacanta luga hayo siyaasadda gobalka iyo tan jabhadaha kasoo horjeeda siyaasadda ay dawladda Ethiopia ku maamusho Gobalka Ogaden. Iyagoo wali siyaasadooda laga hago/ looga taliyo goballo kamid ah qarankii soomaliyeed ee burburay.


Godeynews Staff
Webmaster"Godeynews.com


Waraysigu dhinacyo badan ayuu taabanayaa ee isagoo afka ingriiska ah hoos ka akhriso. Somali Islamist condemns Ethiopia