Home | Submit News | Forum | Contact

Qoraal ka kooban 30 page oo uu baarlamaanka soo hordhigay hanti dhawraha guud ee Ethiopia Atto Lemma Argaw ayaa waxuu kusheegayay inay jirto lacago dhan 4.8 Billion Birr oo aan cidna soo gudbinin qaabka loo isticmaalay iyo cida isticmaashay toona, ayna ku maqan tahay Kililada Soomaalida, Canfarta iyo SNNP oo maamuladoodu liitaan wax qabadkooda deeganeed uu aad u hooseeyo.


Waa sidu hadalka udhigaya lacagtas waxay ku maqan tahay si musuqmaasuq ah waxaana loo isticmalay si aan sharciga waafaqsaneen, dhamaanteedna waxay kumaqan tahay kililka Soomaalida, Canfarta iyo SNNP oo maamuladoodu liitaan wax qabadkoodu deeganeed uu aad u hooseeyo.

Hase yeeshee waxaa dadkii barlamaanka layaab kunoqotay markii Zenaawi qabsaday hadalkii oo u hanti dhawraha kuyiri Killildau xaq ayay uleeyihiin miisiinayadooda inay waxay rabaan kusameeyaan " Xitaa hadii ay rabaan inay lacagtooda dab galiyan oo ay gubaan" waa hadii u sharci hoosaadkooda deegaaneed u ogal yahay inay sidaas sameeyaan.

Hadalkan raisul wasaare Zenaawi ayaa waxaa la iska tusayay TV waxayna dad badan u fasirteen inuu rabo sidii ay faraha ugala bixi lahaayeen arimaha hoose ee deegaanada soomaalida iyo Canfarta, isagoo walina kudaray maamuladan waxay leeyihiin dad heer deegaameed ah oo u qaabilsan hanti dhawrkooda. Dhinaca kale waxaa loo fasirtay inuu rabay inuu kor u qaado PR dawladiisa isagoo rabay inuu aduunka u tuso inay dawladiisu tahay mid si federaal dhab ah u shaqeeysa, isla markaasna ismaamul dawladeedyaduna ay iyagu gacanta iskugu hayaan qaabka ay u maamuli lahayeen miisaaniyadooda iyo maamulkoodaba.


Sida muuqata hadalkan Zenaawi dantu doonaaba haka lahaadee ayaa waxuu sii daba socdaa hadalkiisii bishii hore u usheegay masuliyinta maamulka Kililka Soomalida inay hawshooda si xor ah u qabsadaan iyagoon kacabsoonin ciidamada iyo wasiirka kililada. Isagoo ciidamada iyo wasaaradda kililadana ku amray inay faraha kala baxaan arimaha hoose ee maamulka Kilika ayna qabsadaan shaqooyinkooda kale ee loogu tala-galay.

Isku soo uruuriyoo hadaladan iyo kuwa kale oo lamid ah ayaan waxba u qabanaynin shacabka Soomaalida Ogaadeeniya inta ay dawlada dhexe raaliga ka tahay boobka xoolaha, masuqmaasuqa iyo maamul xumida kajirta deegaanka Soomaalida Ogadeeniya oo marba marka kasii danbeysa kasii daraysa.

Cumar Yare,
Godeynews.com
JigJiga.