Home | Submit News | Forum | Contact

Madaxda ugu sareeysa xisbiga EPRDF iyo midda Dawladda Ethiopia ayaa fagaarayaasha kasheegtay inay tageero millatari oo buuxda siin doonaan dawladda Soomaaliya hadii ay isku dhacaan ciidamada maxaakimta islaamiga Soomaliya oo hadda gacanta kuhaya caasimadda soomaaliya.

Hase yeeshee warar kale oo sir ah oo laga soo xigtay wargaysaka (The Indian Ocean Newsletter) ayaa waxay sheegayan in xisbiga EPRDF isaga laftiigiisu arinkaas tageerada milatari ah uu kukala qaybsan yahay oo khilaaf xun soo kala dhex-galay.

PM Zenawi iyo Simon Bereket ayaa iyagu aaminsan in xoog ciidan loo isticmaalo maxaakiimta islaamiga, isla markaasna si fiican loo taageero dawlada soomaaliya ee fadhigeedu yahay Baydhabo. Laakiin waxaa arinkas kasoo horjeeda wasiirka arimaha dibadda Seyoum Mesfin iyo rag kale oo xisbiga taladiisa wax kahaya, kuwaasoo aaminsan inaan lagu degdegin ayna muhiim tahay in arintan loo galo si miisaaman oo taxadar badan leh.

Dhinaca kale taliyaasha ciidamada ayaa iyaguna sidaas oo kale isku khilaafsan tusaalle ahaan Generalka ciidamada qalabka sida ugu sareeya general Samora Yunis iyo kuwa kale oo raisul wasaaraha isku hayb yihiin ayaa tageersan rayiga ah in xoog iyo cudud milatari loo isticmaalo khatartan cusub ee maxakiimta islaamiga Soomaliya, si ficana loo taageero DFK soomaaliya. Halka ay jiran Generaalo kale oo diidan (Strong Intervention) kuwaasoo badankoodu kasoo jeeda qowmiyadaha Oromiya iyo Amhara. Iyagoo intaas kudaray "waxaa ka faaideysan kara Eriteriya oo soo hubayn doonta ururada mucaaradka ku ah Ethiopia ee OLF iyo ONLF iyo kuwa maxaakiimta islaamigaba."

Waxaa kale oo warka jaraidku sheegay in dawladda Eriteriya ay todabadyadii tagay ay soo hubaysay dad tageersan ururka ONLF iyadoo soo marisay wadanka Jabuuti kadibna soo galay gudaha gobalka Ogaden, waxayna dadkan aaminsan yihiin in guulaysiga maxaakimtu ay ku gulaysteen gacan kuhaynta magaalada Muqdisho ay soo dedejin karto gooni isutaagooda. Wararku waxay intaas kudarayan in dawladda Norway ay warqad ugudbisay dawladda Ethiopia oo ay urururada OLF iyo kuwa AFD ku midoobay ay ku codsanayaan in dawladu la furto wadahadal.

Dhinaca kale waxa lasoo jeediyay in dib u habayn lagu sameeyo ururka EPRDFta, taasoo laga bilabayo in la badalo magaca ururka, balse arintaas magac badalidda ah waxaa si adag uga soo horjeestay raisul wasaare kuxigeenka ahna wasiirka Beeraha Adissu Legesse oo aad moodo inuu kuguulaystay is hortagiisii.

Waxaa iyadana lasheegaya in m/weynaha wadanka Ethiopia Girma Wolde-Girogis oo arimo caafimad ujooga wadanka Sacuudiga xilli dhow labadali doono, maadama u xiligiisii dhamaan doono dhamaadka bisha Oktoober ee sanadkan, isagoo lasheegayo in lagu badali doono Shifferaw Jarso oo hadda ah wasiirka Biyaha dawladda Ethiopia.


Godeynew.com ((The Indian Ocean Newsletter)