Home | Submit News | Forum | Contact

Warar lagu kalsoon yahay oo Godeynews soo gaaraya ayaa waxay sheegayaan in Taliyaha Ciidamada Amerikaanka ee saldhigga Godey uu sheegay maruu lahadlayay shaqaalaha Soomalida ah ee ciidamadooda lashaqeeya inay si kumeel gaar ah ciidamadoodu uga gurayaan saldhigooda magaalada Godey, balse ay sii joogi donaan shaqaalle hoosaad tiradoodu yar tahay.

Taliyaha ayaa intaas kudaray inuu jiro madmadow weyn oo soo kala dhex galay ciidamada Amerikaanka ee kusugan qaybo kamid ah dhulka Ogadeeniya iyo dawlada Ethiopia. Is afgaranwagan ayay dad xog ogaal ah kufisireen inay kuleg leedahay is fahan la,aan kadhex taagan arimaha amaankooda iyo waliba nabad galyada guud ee deegaanka oo ay ciidamada Ameerikaanku u arkaan in siyaasadda Ethiopia ee kuwajahan soomaliya uu jahwareer badan kujiro. Isla markaasna ay sii hurinayso colaad hor leh oo dhex marta Ummadda Soomaaliyeed oo Maxaakiimta Islaamigu hogaaminayaan iyo Ethiopia oo dhinac ah, taasoo marka danbe lugaha lasoo geli karta ciidamadooda kusugan gudaha wadanka Ethiopia.

Ciidamada Ameerikaanku Intii ay joogeen dhulka Ismaamulka Soomaalida Ogaadeeniya khaastan magaalada Godey ayaa dadku joogistooda aad ujeclaysteen, sababtoo ah waxay bulshada deegaanka u qabtaan waxyaabo fara badan oo aysan kahelin dawladda fadhiidka ah ee ku banjarsan magaalada JigJiga.

Waxyaabaha ay Ciidamada Ameerikaanku ka qabteen magaalada Godey waxaa kamid ah;

* Waxay dayactireen illaa iyo 5 school, waxay kaloo dhiseen 2 school oo casri ah,

*Waxay si fiican u dayactireen buunadadii magaalada Godey oo muddo 3 sano ah burbursaneed

*Isbitaalka Godey oo korontadiisa kadigeen 24 saac.

* Waxay bixiyeen Qandaraasyo kala gedisan oo dadka deegaanku fuliyeen

* Waxay qaybiyeen matoorada beeraha lagu waraabiyo iyo waliba iyagoo beerihii diyaariyay kadibna dadweynaha deegaanka u qaybiyay

* Waxay badaleen oo ay kordhiyeen awoodii haanta weyn ee magaalada biyaha siinaysay

*Waxay qeyb weyn kaqaateen lacagaha qeybta terminaalka loogu dhisayo Airportka Godey

* Waxay kaloo sheegeen inay xilli dhow kutala jireen inay dib udhis kusameynayaan jidadka magaalada oo aad u burbursan iyo iyagoo shaqeelayay dad badan oo shaqaalle la,aan ahaa, isla markaasna shaqooyin kala gedisan u hayay sida Turjumaano, Drivers, Wardiyayaal iyo kuwa kelaba.

Isku soo dudoobaa arinkan guurtaanka ah ayaa ah mid aad looga naxo, balse wararkan iyo wararka kale ee warbaahinta aduunka laga sii daynayo ayaa sii xoojinaya dareenka ah in dawladda Ethiopia ay kali kutahay siyaasadeeda guracan ee kasoo horjeeda dib usoo celintii qarankii soomaaliyeed ee sanadaha badan burbursanaa.


Axmed (Cilaan),
Godeynews.com
Godey.