Home | Submit News | Forum | Contact

Wararka magaalada Jijjiga kasoo baxaya ayaa sheegaya inuu furmay kulan lagu qiimeynayo xubnaha sarsare ee kasoo jeeda gobalka Libaan kuwaasoo uu kamid yahay afhayeenka barlamaanka mudane Cali Kunay.

Waxuu arinkan qiimeynta ah daba socodaa mid isla magaalada Jijjiga maalmo kahor lagu sameeyay dhamaan masuuliyiinta degmooyinka gobalka Libaan oo illaa iyo 27 xubnood oo uu kujiro gudoomiyahii gobalka Libaan, kii maaliyadda iyo gudoomiyaal degmooyin ay shaqadoodii ku waayeen oo xilkii meeshaas lagaga qaaday.

Hadaba wararka maanta laisla dhexmarayo magaalada Jijjiga ayaa sheegaya in masuuliyiin kamid ah guddiga fulinta xisbiga ay bishinta qaniinsan yihiin, isla markaana isu diyaariyaan sidii xilka looga qaadi lahaa mudane Cali Kunay oo in badan ahaa afhayeenka barlamaanka ismaamulka soomaalida isagoo Jijjiga looga yaqaano "aabaha masuqmaasuqa kililka 5aad."

Meesha iyo qaabkan hadda la isku qiimeynayo ayaa kagedisan qaababkii hadda kahor ay xubnaha guddiga fulintu amase maamulka sare ee kililku wax ku qiimeyn jiray. Sababtoo ah waxaa waayadii hore deegaanada loo diri jiray guddi kolba soo qiimeysa meesha cabashooyinku ka imaadaan kuwaasoo inta badan lacago kasoo uruursan jiray dadka xigaalkooda ahna usoo magacaabi jiray jagooyinka banaanada. Balse hadda xaaladu sidaas way ka gedisan tahay oo waxaa qaabkan in wax lagu qiimeeyo soo amray xafiiska raisul wasaaraha oo shirkoodii ugu sheegay "xitaa dadka qiimeynta aan idinku soo dirno lacago badan ayaad siiisaan oo iyaga laftigooda waad gadataan."

Sida lasheegayo magaalada Jijjiga waxaa lagu wada qiimeyn doonaa dhaman degmooyinka uu kakooban yahay ismaamulka soomaalida iyagoo gobal-gobal maamuladooda loogu yeeri deeno. Hadii degmooyinkaas maamuladoodu xumaadaana, waxaa hadana qiimeyn adag lagu sameyn doonaa xubnaha ugu sareeya goballadaas ee ugu jira guddiga fulinta .

Dhinaca kale waxaa lasheegayaa in maalin dhaw iyagana la qiimeyn doono maamulada kajira degmooyinka goballada Godey iyo Qorexay oo sidan oo kale waxa maamul ahaan uga jira uu lamid yahay amase kasii liito midka gobalka Libaan ee xubnihiisii ugu sareeyay lagukala diray magaalada Jijjiga.

Isku uruuriyoo is qiimeyntaan la sheegayo ayaan waxba badelaynin oo uun looga tala galay sameyn dicaayado maamuleed oo meelna gaaraynin, sababtoo ah waxaaba hormuudka ka ah kuwii hormuudka ka ahaa maamul xumida jirta, isla markana boobka kuhaya xoolaha deegaanka. Wa su,aalle ma iyagaa u baahan in la xisaabiyo? mise inay iyagu wax xisaabiyaan.

Isla iyagii baa laleeyahay " is xisaabiya oo imaasaad nin kastoo qaadatay."

Cali Yare,
Godeynews.com
Jijjiga.