Home | Submit News | Forum | Contact

Odayaal iyo Salaaddiin ka tirsan gobolka Soomaalida ee Ogadeeniya ee ku nool Gobolka Minnesota ee Mareykanka ayaa waxay qado sharaf u sameeyeen waftigii ka socda dowlad gobaleedka Puntland ee uu hogaaminayey wasiirka Maaliyadda ee Puntland Mudane Maxamed Cali Yuusuf (gaagaab).

Odayaasha iyo waftiga ayaa qadadii ka dib waxay yeesheen wadahallo aad u dheer oo ku saabsan guud ahaan Soomaalida iyo waxyaabaha ka jira gobolka Geeska Afrika, gaar ahaan waxaa wadahaladdaas diiradda lagu saarey waxyaabaha ka dhexeeya Maamul goboleedka Puntland iyo Gobolka Soomaalida Ogaadeenya. waxyaabaha inta badan laga hadlayey waxaa ka mid ahaa sidii loo horumarin lahaa xirrirka ka dhexeeya labada shacbi oo ay ugu horreyso dhinaca nabad gelyada, ganacsiga iyo wax wadaqabsiga.

Suldaan Cabdiqani Suldaan Calisaafi oo ka mid ahaa salaadiintii iyo waxgaradkii shirkaa ka hadlay ayaa ku dheeraadey taariikhda soo jireenka ah iyo xiriirka ka dhexaaya labada umadood waa Puntland iyo Gobolka Soomaalida Itoobiya, waxaa uuna ka codsadey waftiga iney ku dadaalaan haddii ku laabtaan dhulkii inay horseedaan sidii dadka goboladaasi ay u horumarin lahaayeen nabdgelyada iyo wax wadaqabsiga ka dhexeeya , iyadoo waxgaradka labada dhinac laga codsadey inay wax walba ka hoorreysiiyaan Nabadgelyada.

Waxaa isaguna halkaas ka hadley Maxamud Canshuur oo isaguna si aad ah uga hadlaey sidii loo horumarin lahaa midnimada iyo wadajirka dadka ku nool labada Gobol waxaa uuna ka codsadey Madaxda iyo Maamulka Puntland inay iyagu hporseedaan sidii ay howlahaasi ku hirgali lahaayeen.Sidoo kale waxaa uu ku nuuxnuuxsadey, sida ay lagama maarmaanka u tahay iskaashiga iyo isdhexgalka Dadka ku nool labada gobol ee Dariska iyo Walaalaha ah.

Ugu dambeyntii waxaa hadalka lagu soo dhaweeyey Wasiirka Maaliyadda Puntland Md. Maxamed Cali Yuusuf Gaagaab waxaana uu wasiirku sheegey in Dowlad Goboleedka Puntland ay Nabadgelyadu ay Astaan u tahay intii maamulkaasi Jireyna wax badan laga faa'iidey oo dhamaan gobolada dariska la ah si aan kala sooc lahayn ay Puntland ula macaamishey.

Wasiirku waxaa uu sheegey in Dadka degaanka Soomalida {Ogadenya)
ay yihiin kuwa si aad ah ugu xiran Ganacsiga gobolada Puntland, iyagoo kala soo dega Badeeco aan la soo koobi karin isla markaana waxay hal;kaasi ka dhoofsadaan waxyaabo badan oo ay ugu horreyaan Xoolaha nool.



Wasiirku waxaa uu ka ballan qaadey Salaadiintaas iyo waxgaradkii shirkaas joogey in Maamulka Puntland ay ku dadaali doonaan sii horumarinta iyo wax wadaqabsiga labada Umadood . waxaa shirkaas ka horeeyey shirweyne kale oo dhexmarey Jaaliyadda iyo aqonyahanno ka soo jeeda Puntland iyo kuwa Soomaalida Itobiya.

Xafladdan qado sharafta ah dadkii ka soo qaybgaley waxaa ka mid ahaa Wassir ku Xigeenka Dekedaha iyo Klauumeysiga Puntland Md. Abdiwali Abdiraxman, sidoo kale Waxgaradkii iyo Odayaashii halkaas Joogey ee ka socdey Gobolka Soomalida Itoobiya waxaa ka mid ahaa:

1.Suldaan Cabdiqani Suldaan Calisaafi
2.Maxamed Canshuur Faarax
3.Maxamed Muumin Dacey
4Maxamed Macalin Aburaas.
5.Siyaad Carab Kaahin (labasuul)
6.Cabdullaahi Cabdi Yare
7. Sh. Cabdullahi Cali (Sahyuun)
8.Nuur Cali Abshir
9.Cabdiqani Sheekh Axmed (Jiis)
10.Muuse Sh. Maxamed Qurxiye
11.Xasan Cabdullahi Geeddi
12.axamuud Cali Mahdi
13.Nuur Cali Abshir

Guud ahaan shirkkasi waxaa uu ku dhamaadey Jawi aad u wanaagsan iyo Is-afgard Buuxa.


Godeynews.com

Xigasho: Abdifataax Maxamed Abdinur.
RSTV NewsRoom.