Home | Submit News | Forum | Contact

Shir ay iskugu yimaadeen xubno sarsare oo ONLF ah iyo taageerayashooda ayaa shalay 19/08/06 kadhacay Hall kuyaalla xaafadda Southall ee kutaalla Galbeedka Magaalada London.


Shirkaas waxaa isugu yimid shacab-weyne taageera jabhadda iyo xubno sarsare oo ONLF kamid ah, iyadoo larejaynayay in dadka wax garadka ah ee kusugnaa shirka ay masuliyiintan su,aallo weydiin doonaan laxiriira la midawga ONLF ay ururada Axmaarada iyo Oromada la midowday.

Ayaa waxaa hadana si fiican meesha ugasoo baxay dareenkii horeyba loo qabay ee ahaa inaysan masuuliyiintan si fiican usharxin xaaladda dhabta ee heshiiska, isla markaasna ay adeg tahay inay shicibka si fiican ugu qeexaan ujeedada rasmiga ee ka danbeeysa ku darmashada ururka AFD iyo sababta ay waliba uga leexdeen jidkii "Aaya katelinta Ummada""Self-Determination" ee saldhigga u ahaa halganka Jabhadda ONLF.

Waxaa sidoo kale meesha ka muuqday inay dadku kala taageersan yihiin xubno kamid ah ururka, isla markaasna waxaa si fiican shicibka uga muuqday dareenka ah hadal hadaynta maalmahan waxa kajira xubna sarsare ee lasheegayo in laga eryay guddiga fulinta iyo golaha dhexe ee ururuka.

Dareenkaas kala gedisan dadku waxuu si fiican usoo baxay maruu xubnaha saresare mid kamid ah hadalkiisa kusoo daray " Waa in si degdeg ah loo qabto shirweynihii ururka oo xiligiisii la dhaafay." Isla markaasna waxuu dadka xusuusiyay xaqiiqda "Xukumadda Zenaawi waxay heshay xoog dhaqaalle iyo mid siyaasadeedba wayna kasoo kabatay go,doonkii siyaasadeed ee lagu soo rogay xiligii doorashoyinkii sanadkii hore.

Iskusoo duduuboo shirkii shalay ayaa ku dhamaaday jawi wanaagsan oo aan xisaabtan badan lahayn, inuusan khilaaf dhicin dartiis waxay dadku iska ilaalinayeen kahadalka xaaladda dhabta ah ee kajirta deegaanka, iyagoo inta badan muujinayay tageero iyo kalsooni wax kastoo la sheego oo sacab iyo sawaxan uga baxayay hadallo fara badan oo mudnaa in wax laga dhaho.

Xubnihii sarsare ee meeshaas joogay waxaa kamid ahaa; C/raxmaan Maaday, Axmed Yaasiin , Sheekh Ibraahim Cabdallah iyo Diirane C.Yaasiin.


Asli Nur,
Godeynews.com