Home | Submit News | Forum | Contact

Dawladda Soomaaliyeed ayaa sii daysay qoraal sheegaya inay heshiis wada shaqeneed la gashay jabhad mucaarad ah (ELF) oo kasoo horjeeda dawladda Eriteria maadama dawladda Eriteria ay taageerto ururka maxaakiimta islaamiga.

Mudane Yuusuf Ismaaciil oo ah safiirka DFK Soomaaliya u fadhiya Belgium iyo EU iyo AttoYohannes Zeremariam oo ah hogaanka arimaha dibadda ee jabhadda xoreynta Eriteria (ELF) oo saldhigeedu yahay wadanka Suudaan ayaa kahadlay wada shaqeyntooda iyagoo kusugan magaalada Genava ee wadanka Swizerland. Inkastoo aysan si fiican u qeexan heerka wada shaqeyntooda hadana waxay si wadajir ah qoraalkooda ugu sheegeen inay iska kaashan doonaan sidii loosii xoojin lahaa xoogaga democraci u dirirka ee Geeska Afrika.

Arintan ayaa ah mid bog cusub oo horleh furaysa iyadoo dawladda soomaaliya aysan wali lugaheeda ku istaagin ayay hadana waxay sii hurinaysaa colaad horleh oo aysan awood u lehayn dabinteeda.

Balse dadka siyaasadda geeska Afrika u kuurgala ayaa arintan kutilmaamay miday dawladda Ethiopia ka danbayso iyadoo dawladda Eriteria kaga soo aarsanayso taageerideeda ururada maxaakiimta iyo jabhadaha Ethiopia kasoo horjeeda.

Waxuu kaloo qoraalka ku qornaa; "Eriteria waxay kudhex jirtaa arimo khatar ah, waxayna saldhig u noqotay xoogag raba inay Geeska Afrika ka abuuraan deganaansho la,aan."

Ururka ELF waxuu qeyb kayahay ururo badan oo kasoo horjeeda xakuumadda m/weyne Isaias Afwerki oo aan ogolayn nidaamka democrasiga, isla markaasna wax kumaamula kaligii talsinimo. Ururadan mucaaradka ayaa u dagaalamaya sidii ay Eriteria dib ugu dhaqmi lahayd nidaamka xisbiyada badan ee aysan ogolayn dawladda Isaias Afwerki.

Guuddiga hub illaalinta UN ee Soomaaliya ayaa qoraalkoodii Bishii May 2006 kusheegay in dawladda Eriteria jabisay cunaqabatayntii hubka ee saarnaa Soomaaliya iyadoo hub badan kudaldalayso ururada Al-Itaxaad, ONLF iyo OLF, iyadoo hadana taageerayso ururka maxaakiimta islaamiga ee kasoo horjeeda dawladda kumeel gaarka ee Soomaaliya.

Jiritaan Dawladda Soomaaliyeed oo quman ayaan dib usoo noqon ilaa iyo markii xooga lagu riday 1991 dawladii m/weyne Maxamed Siyaad Barre oo sababtay burbur aan caadi ahayn iyo waliba dawlad la,aanta maanta taagan.

Bishii June ee sanadkan ayay ururada Maxaakiimta Islaamiga gacanta kudhigeen magaalada Muqdiso iyagoo isla markaasna ciriiri geliyay jiritaanka dawladda awooda daran ee uu madaxda kayahay M/weyne C/laahi Yuusuf oo daba yaqadii 2004 ay dhisitaankeeda iska kaashadeen UN, AU iyo Ururka Jaamacadda Carabta.

Godeynews Staff
[email protected]

Xigasho: Mainichi-Dailynews