Home | Submit News | Forum | Contact

Cabida 3 iyo waxii kabadan oo Shah ah maalinkii waxay lamid tahay cabitaanka biyo badan, iyadoo ay u badan tahay inay jirto faa�iidooyin dheeraad ah oo dhinaca caafimaadka ah, sida ay sheegayaan baadhitaano caalama ah oo la sameeyay (Tea 'healthier' drink than water).

Waa waxba kama jiraan in Shaahu jirka fuuq bixiyo ( jirka biyaha kasaaro ), sida ay cadaysay European Journal of Clinical Nutrition.

Shaahu ma aha oo kaliya inuu jirka biyo siiyo (rehydrates) sida biyaha oo kale balse waxuu ka ilaaliyaa wadna-xanuunka iyo qaybo kamid ah cudurka dilaaga ah ee Cancer ka, sida ay sheegayso baaritaan la samayay ay ku ogaatay UK nutritionists.

Aqoon yahanadu waxay rumaysan yihiin in Shaaha uu ku jiro maadada loo yaqaano �flavonoids� taas oo horsed u ah caafimaadka wanaagsan.
Maadadaan waxaa laga helaa Cuntooyinka iyo Qudaarta ama Geedaha la beero oo ay kamid tahay Caleenta Shaaha, taasoo la sheegay inay ka ilaaliso unugyada jirku inay xumaadaan.

Waaxda Caafimaadka iyo Nafaqada ee Bulshada Dr. Carrie Ruxton iyo saaxiibadiisa ay wada shaqeeyaan ee Kings College London ayaa baaritaan ku sameeyay cabitaanka Shaaha iyo Caafimaadka uu u leeyahay dadka.

Dhawar baaritaan ayaa ku taliyay in cabitaanka Shaahu ay ka hortag fiican u tahay cudurka Cancer ka, inkastoo aan wali cadaymo xoogleh lahaynin.
Hasayeeshee waxaa lacadeeyay in Shaahu Ilkaha caafimaad u leeyahay kana ilaaliyo madooyinka Ilkaha salkooda fadhiista kadibna Ilkaha daadiya sida (tooth plaque and & tooth decay)

Dr Ruxton waxuu sheegay in xaqiiqiyan cabitaanka Shaahu ka faa�iido badan yahay cabitaanka Biyaha. Biyuhu waxay jirka siiyaan; dareerayaasha jirku sida dhiiga inay helaan biyaha ay u baahan yahiin si ay hawshooda u gutaan. Balse Shaahu waxaa uu jirka siiyaa biyaha iyo maadada layiraahdo antioxidants (help prevent cell damage) sidaa darteed laba faa�iido ayuu Shaahu leeyahay.

Baaritanadu waxay cadeeyeen in waxyaabaha Caffeine ku ay kujiraan sida Caffee, Soda sida Coca-da IWM inay jirka Fuuq bixiyaan balse Shaahu uu mar walba jirka siiyo dareerayaasha uu u baahan yahay, xitaa Shaaha aadka u culus sida midka loo yaqaano �Barad�. Sidoo kale Koob walba oo shah ah waxaa ku jora maada layiraahdo �fluoride� oo Ilkaha u fiican.

Ilaa iyo maanta lama hayo waxyaabo cadaynaya in Shaahu khatar u leeyahay caafimaadka dadka. Hasayeeshee, waxaa baarayaashu sheegeen in shaahu dhibaateeyo awooda jirku uu ku qaato maadada Iron ka ee jirka (tea can impair the body's ability to absorb iron from food), waxayna ku taliyeen in dadka dhiigu ku yar yahay ay ka fogaadaan cabitaanka Shaaha wakhtiyada cuntada (people at risk of anaemia should avoid drinking tea around mealtimes).

Sidoo kale Claire Williamson oo u shaqeeya British Nutrition Foundation ayaa sheegay in baaritaano la sameeyay cadeeyeen inay suurtagal tahay in Shaahu wanaag badan u leeyahay caafimaadka dadka. Shaahu ma keeno fuuqbax, balse waa caafimaad in la cabo ayuu yiri Claire Williamson.

Dr Ruxton ayaa sheegtay in baaritaankani uu ahaa mid madax banana oo ay maalgalisay Tea Council.


Sources BBC:
http://news.bbc.co.uk/2/hi/health/5281046.stm

Waxaa soo tarjuntay GodeyNews Health & Awareness Department.

GodeyNews Staff