Home | Submit News | Forum | Contact

Waxaa maanta magaalada Godey kafurmay shir balaaran oo ay kasoo qayb galeen in kabadan 500 oo kamid ah macalimiinta goballada Afdheer, Godey, Libaan iyo Qabridaharre.

Sidoo kale waxaa shirkan kasoo qayb galay masuuliyiin ay hor kacayaan mudane Gurey wasiirka biyaha iyo macdanta iyo Axmed Shide xoghayaha xisbiga ahna wasiirka maaliyadda deegaanka soomaalida Mudane Axmed Shide oo kahadlayay shirkii Godey ayaa macalimiinta u sheegay inay baraarug sanaadaan oo ay iyagu ogaadeen masuuliyadooda kadibna ay shacabweynaha dareensiyaan xuquuqdooda maguurtada ah.

Xubnahaan yimid magaalada Godey ayaa kaqayb galaya shir loogu talagalay in lagu baraarujiyo macalamiinta iyo shaqaalaha dawladda si kor loogu qaado wacyigooda iyo dareenkooda shacbiyadeed. Shirkan ayaa qayb ka ah shir kale oo noociisa ah oo kasocda magaalada Jijjiga, kaasoo masuuliyiinta dawlad deegaameedka soomaalida ay baraarujin doonaan shacabka iyo shaqaalaha dawladuba inay kor u qaadaan wacyigooda, isla markaasna ay ilaaliyaan nabadda iyo xasiloonida deegaamadooda.

Dhinaca kale mudane Gurey oo ah wasiirka biyaha yo macdanta ayaa kulan khaas ah layeeshay waxgaradka iyo odayaasha magaalada Godey iyagoo usoo bandhigey dhibaatada biyo xumi ee kajirta magaalada oo uu webigu maro ayay haddana dadaka magaaladu ka ooman yihiin biyahaas oo aysan dhoobo darteed lacabi karin mararka qaarna ay biyaha dhoobadu laftigoodu helistoodu adkaataa qiimihii foostada biyahuna gaaraan illaa iyo 20birr.

Odayaasha iyo waxgaradka magaalada ayaa kacodsaday wasiirka inuu kabadallo matoorada duqoobay ee magaalada biyaha usoo jiida kuwaasoo muddo dheer aan helin dayactir quman isla mar ahaantaasna u baahan in si degdeg ah loo badallo.

Dhinaca kale Mudane Gurey Fidaar ayaa dhanaciisa aad ugu garaabay wax garadkii lahadlayay isagoo sheegay "inay Godey tahay magaallo aad u weyn markii loo fiirayo magaaloyinka deegaanka koritaankeedu uu xawli kusocdo, isla markaasna ay tahay caasimidii dhabta ahayd ee deegaanka. Sidaas darteed madaama oo aan ahay wasiirkii biyaha deegaanka ayaan codsigiina tixgelin gooni ah siin doonaa anigoo isku dayi doona inaan sida ugu dhakhsaha badan wax ooga qabto codsigiina iyo cabshadiina kuwajahan biyo xumida kajirta magaalada Godey.

Mudane Gurey ayaa laga soo doortaa degmada Qabridaharre isagoo hadda kahor isku sharaxay jagada m/weynimada kilika ayaa hadana waxay in badan kutilmaamaan inuu kamid yahay ragga xiligan ugu cadcad siyaasadda deegaanka, isla markaasna kamid ah xubnaha fara kutiriska ah ee awooda badan kuleh dawlad deegaameedka uu hormuudka kayahay mudane C/laahi xasan Lugbuur.

Dhinaca kale shirka Jijjiga ayaa waxaa furay Gudoomiyaha Xisbiga Mudane Cabdi Cali Shagax iyo ku xigeenkiisa mudane Dauud Diiriye ayaa labaduba si qoto dheer uga hadlay xaruntii shirka lagu furayay ee magaalada Jijjiga, iyagoo kula hadlayay in kabadan 2400 oo macalim oo kasoo kala jeeda goballada Jijjiga, Wardheer, Fiiq, Dhagaxbuur iyo Shiniille. Shirkan ayaa sida kan Godey oo kale socon doono muddo 10 cisho ah.

Iskusoo dudooboo waxaan illaa iyo hadda cadeyn ujeedada rasmiga ah ee ka danbaysa shirarkan noocan oo kale ah ee loo qabanhayo macalimiinta deegaanka oo aan hadda kahor dhicin iyo waliba ujeedada dhabta ah ee masuuliyiinta ugu sareeysa xisbiga deegaanku ay kaleeyihiin qabashada shirkan oo lacago fara badan lagu cuni doono.!!!

Qore A.Tuur,
Godeynews satff
Godey.