Home | Submit News | Forum | Contact

Guddoomiyaha baarlamaanka dalka Soomaaliya Shafiif Xasan Sh. Aaden ayaa ku caan baxay qaska iyo dhagarta ummadda Soomaaliyeed uu ku hayo illaa inta uu qabtay xilkaas dhammaadkii 2004ta.

Shariif Xasan ayaa hoggaaminayey wafti ajinabi kamid ahaayeen oo tagay Magalada Xuddur ee magaalo madaxda u ah gobolka bakool. si la isugu duba rido qorshaha mamul u sameynta gobolkaas.

Shariif Xasan oo hore u kala qeybiyey dowladii Kmg aheyd ee lagu soo dhisay dalka Kenya isla markaasna khilaaf iyo dagaalo dhax dhigay beesha D. & Mirifle ayaa hadda u jahaystay dhanka beelaha wada deggan bakool inuu dhax dhigo colaad.

Shariif Xasan oo ah guddoomiyaha baarlamaanka dalka Soomaaliya ayaa miiska soo saaray Tuulo laga xukumo degmada Yeed oo dhanka bari ee magaalada Yeed kaga beegan qiytaastii 30KM inay noqoto degmo.

Taas oo la yaab ku noqotay xubnaha baarlamaanka Soomaaliya ee beesha Ogaadeen iyo dadweynaha deggan gobolka bakool oo si toos ah u qaadacay shirkaas lagu waday inuu ka dhaco Xuddur, kadib markii ay diideen xubnihii beesha Ogaadeen Absame iuga qeyb gali lahaa shirkaas.

Waxaa intaas dheer in Shariifku la kulmay dhaleecayn iyo diidmo ay kala hor yimaadeen xubno D. & Mirifle ah oo u sheegay inaysan diyaar u aheyn qorshaha uu wato degmada Yeed-na ay taay degmo ka mid ah degmooyinka gobolka bakool.

Dhanka kale xiriir ay sameeyeen madaxda iyo Shacabka deegaanka beesha Cowlyahan ee gobolka bakool ayey isku raaceen inay qaadacaan oo aan laga qeyb galin shirka uu hor boodayey Shariif Xasan.

Gabab-gabadii Shariif Xasan iyo Nin Talyaani ah oo la doonayey inuu wax kasoo dhiso maamulkaas ayaa dib ugu soo laabatay badhabo iyagoo aanay jirin wax usoo qabsoomay.

Wadahadal iyo xiriir ka dib warar lagu kalsoon yahay ayaa xaqiijinaya in ay kooxda doonaysay dhul balaadhsiga ku fashilmeen qorshahoodii xaalkuna dib loogu soo celiyey xaqiiqda degmooyinka gobolkasi ka kooban yahay.

Faahfaahin: Degmada Yeed waxaa ka jirey dagaalo saameyn weyn ku yeeshay xilliyadii Soomaaliya iyo Itoobiya ay dagaalamayeen sideetamaadkii, markaas oo si ku meelgaar ah loogu soo raray Tuulada rabdhuure khasaare weyn oo dhul iyo cirba kasoo gaaray awgiis, markii dambeyna 1989kii dib loogu celiyey degmada yeed markii ay dhammaadeen dagaalkii somaliya iyo Itoobiya.

Sidoo kale tuulada rabdhuure ayaan kamid aheyn deegaanada ay D. & Mirifle ka degaan gobolka bakool taas oo aan la ogeyn sababta ay u doonayaan in laysku badalo mar hadeysan iyaga deegaan u aheyn.

Godeynews.com.

Xigasho: Afdheer.com