Home | Submit News | Forum | Contact

Maalintii sabtidii oy taariikhdu ahayd Sep/9/2006 waxaa qolka shirarka ee Radisson University Hotel lagu qabtey shir uu marti ku ahaa wasiiru-dawlaha shaqada & arrimaha bulshada dawlada federaalka Ethiopia, Mudane Khadar Macallin Cali.

Shirkaas oo ay kasoo qeyb galeen dad badan oo u dhashay deegaanka ismaamulka soomaalida ayaa waxaa dadka wajiyadooda kamuqday xiisaha iyo kalsoonida ay uqabaan dhagaysiga warbixinta wasiirka iyo waliba sii ogaanshaha xaaladda dhabta ah ee wadanku maanta kusugan yahay.

Intaas kadib waxaa aayado Qur�aan ah ku furey shirka Sh.C/llaahi Cali Xasan oo dadkii halkaasi isugu yimid aad ugu boorieyey midnimo iyo ismaqal. Kadibna waxaa kulanka ka hadley Guddoomiyaha Ururka Nabada & Horumarinta Soomaalida Ethiopia (Somali-Ethiopian Peace & Development Agency) oo ah ururka martigaliyey shirka Mudane Axmed-Haadi Cabdi Bile.

Gudoomiyuhu waxuu bulshada u sheegey in ururkan ujeedadiisu tahey sidii nabad galyo loogu heli lahaa deegaanka Soomaalida Ethiopia. Isagoo dhawaaan lagu aas�aasey magaalada Minneapolis wuxuu laamo ka furtey gudaha dalka. Wuxuuna ururku dhawr bilood ka hor wafdi u direy dalka gudihiisa si ay uga soo furaan laamo ka shaqeeya sidii la isugu xidhi lahaa jaaliyadaha dibada iyo bulshada gudaha.

Axmed-Haadi wuxuu bulshada ugu bishaareeyey inuu ururku gacmo furan ku soo dhaweynayo cid walba oo rabta iney xaqeeda nabad galyo ku raadsato. Sidoo kale waxaa madasha shirka hadal kooban kasoo jeediyay Axmed Sh. Cabdi Dhoodi oo ku hadlayey magaca odayada Minnesota talo iyo tusaalooyina wanaagsana siiyay dadka meesha iskugu yimid.

Waxaa maqaamka lagu soo dhaweeyey wasiirka oo hadal dheer oo wax gal ah kasoo jeediyay goobta. Mudane Khadar Macalin Cali waxuu si hufan uga waramey dhacdooyinkii ugu waaweynaa tobankii sano ina dhaaftey, isla markaasna waxuu bulshada siyaabo kala duwan ugu bidhaamiyey qiimaha ay leedahey nabad-galyadu & sida aan xaqeena ugu raadsan karno.

Waxuu kaloo carrabka kudhuftey in dhibaato fara badan oo gobolka ka jirta maanta ay sal u tahey xasilooni darida iyo nabad la�aantu. Waxuuna wasiirku dadka kula taliyey iney dalkii dib ugusoo laabtaan si ay wax kastaba indhahooda ugu arkaan, isla marahaantaasna uga qayb qaataan barnaamijyada horumarineed ee kasocda wadankii.

Markii wasiirku hadalkii dhameeyay waxaa bilaabey su�aalo
kala duwan oo ay dadku weydiinayeen wasiirka. Dhamaantoodna su�aalihii wasiirku si hufan ayu uga wada jawaabay taasooy dadkii meesha fadhiyay ay aad ugu wada qanceen, isla markaana kajaahil bixiyay waxyaabo fara badan oo ay tabanayeen.

Iskusoo duduuboo guud ahaan jawiga shirku wuxuu ku bilawdey kuna dhamaadey si nabad galyo ah oo dhamaan raali galisey dadkii goobtaasi iskugu yimid.


Godeynews.com