Home | Submit News | Forum | Contact

Sheekh Xasan Turki oo kamid ah shuurada sarsare ee maxaakiimta islaamiga Soomaliya ayaa maanta weraysi dheer oo meelo badan taabanaya siiyay idaacaddaha Muqdisho.

Sheekh Xasan ayaa weraysigaas kusheegay inuusan marnaba qaab qabiil ah ugu jirin maxaakiimta hadii ay taas jirtana uusan kadagaallameen degmada Karaan iyo xarumuhii kale ee ciidamada maxaakiimtu dagaalka kula galeen qaqable yaashii dagaalka ee Xamar laga eryay.

Sheekh Xasan Turki oo kajawaabiyay hadal kasoo yeeray nin xildhibaan ah oo Baydhabo joogay oo ideecadaha kayiri Xasan Turki oo cidamo fara badan oo maxaakiim ah wata ayaa magaalada Kismaayo si qabiil ah usoo weeraraya maadama uu qoys ahaan kasoo jeedo goballada Jubooyinka.

Sheekh Xasan Turki waxuu arintaas kayiri;

"Qaab qabiil ah maxaakiimtu meel uma weerarto, isla markaasana Kismaayo uma weerarayo qaab qabiil ah ee waxaan rabnaa inaan iftiinka maxkamadaha gaarsiino, isla markaasna aan kahor tagno cadawga iyo ciidamada shisheeya inay wadanka soo galaan amaba ay dakade Kismaayo isticmaalaan"

Isagoo sii watana waxuu kadaray;

" Qaar kamid ah isbahaysiga dooxada jubba ayaa soo dhaweeyay imaanshaha maxkamadaha magaalada Kismayo kuwa kalena haraacan ayaan leenahay"

Waxaa sidoo kale sheegay inuu xili dhow tagayo deegaanadas oo aad looga taageersan yahay dibna uu ugu noqonayo xarunta taliskiisa guud ee Raaskanbooni ee katirsan degmada Badhaadhe gobalka Jubbada Hoose.

Waxaa kaloo shacabka soomaaliyeed ee kudhaqan goballada kale ee soomaaliya sida Boosaaso, Hergaysa ugu baaqay inay raacaan maxkamadaha islaamiga.

Iskusoo duduuboo hadaladan iyo hantaataca kasoo yeerayo kuwa mudada dheer sida sharci darada ah ugu xad gudbayay shacabka kudhaqan magaalada Kismaayo ayaa hadda u muuqda kuwa gartay seefta sheekh xasan ee dhabarka kasaaran oo aan gara maraynin illaahay idinkiis.

Dagaal ogayaashan ayaa in mudo ahba xaaladoodu kusuganayd jahwareer siyaasadeed amaba meel udhexeysa habeen iyo maalin.

Saciid Jiis,
Godeynews.com
Muqdisho.