Home | Submit News | Forum | Contact

Warsidaha Godeynews oo maanta iyo ilaa caawa si daba joog ah ula xiriirayay deegaanka Jubbada Hoose ayaa waxaan noosuurta gashay inaan soo uruurino waxii xog ahaa ee kusaabsanaa dagaalkii udhexeeyay maleeshiyaadka dooxada jubba iyo kuwa degmada Dhoobley.

Waxaa magaalada Kismaayo kasoo baxay maleeshiyaad wata in kabadan 30 tikniko ah iyo ciidamo fara badan oo sida lasheegayo rabay inay usii gudban gobalka Gedo oo meelo kamid ah ay kusugan yihiin saraakiil iyo ciidamo Ethiopian ah oo saanad iyo hub fara badan oo lagu kaalmeenayo maleeshiyaadka Kismaayo haysta uga keentay dhinaca ismamulka soomaalida.

Hubkan ayaa markii hore la rabay in lagasoo dejiyo garoonka diyaaradaha Kismaayo balse waxaa laga cabsooday hadalkii uu Sheekh Xasan Turki ideecadaha kasheegay inuusan Kismaayo u ogolaan doonin ciidamo shisheeya inay cag soo dhigaan, isla markaasna ay si degeg ah ciidamadiisu u tagi doonaan goballada xadudada la wadaaga Kenya iyo Ethiopia.

Isla markii ay ciidamadan Kismaayo kasoo baxen waxaa kawarhelay ciidamada ilaalada ee deegaanka Raaskaanbooni oo wergelin degdeg ah siiyay kuwii degmada Dhoobley oo kaga horyimid duleedka Dhooblay waxaa dagaalkaas kudhintay 4 qof oo Dooxada Jubba ah iyo 3 qof oo lagsoo qafaashay hadana lagu hayo xabsiga degmada Dhoobley. Dhinaca ciidamada deegaanka Dhoobley waxaa kudhintay 2 qof iyo 2 qof oo kale oo dhaawac ah.

Cabdi shire oo ahaa Barre Hiiraalle adeerkiis ayaa sida lagasoo sheegayo deegaanka HOOSINGOO dhaawac xun soo gaaray meeshas oo ay Dooxada Jubba baqahoodii iyo dhaawacoodiiba lagu soo uruuriyay kadibna ay dib ugu noqdeen magaalada Kismaayo iaygoo awood ay kumaraan waayay meel kamid ah degmada Afmadow.

Dhinaca kale waxaa lasheegayaa in C/rashiid Xidig oo ah xildhibaan kasoo jeeda beesha Absamaha lagu wareersan yahay waxa uu maagan yahay iyo sababta kukaliftay xiligan inuu kaqayb qaato dagaal lagu wax yeelaynayo bulshada uu qoys ahaan kasoo jeedo. Shir degdeg ah oo dad wax garad ah oo kasoo jeeda beesha C/rashiid Xidig ay isugu yimaadeen oo kadhacay magaalada Nayroobi ayaa waxaa lagu go,aansaday inuu si degdeg ah guddi uu hogaaminayo Nabadoon Kheyre loogu diro Kismaayo si xildhibaan C/rashiid Xidig looga soo saaro gudaha magaalada Kismaayo iyo dooxada jubba oo sida muuqata ay maalin dhow maxaakiimtu gacanta kudhigi doonaan lagana cabsi qabo in dagaal lagu hoobto kadhici doono.

Iskusoo uruuriyoo bulshada kudhaqan deegaanada Jubooyinka ayaa inbadan kuhoos jiray maamulo khaldan oo ay hogaaminayaan meelisiyaadyo kakala yimid meelo fog-fog.

Laakiin maanta waxaad moodaa in lasoo gaaray xiligii gebagabadii maleeshiyaadka dooxada jubba oo si sharci darro ah muddo 7 sano ah uga amar taaglaynayay magaalada Kismaayo.

F.G: Maanta waa sanad guuradii 3aad ee kasoo wareegtay gubitaankii magaalada Dhoobley ay gubeen maleeshiyaadka dooxada Jubba.

Nuur J,
Godeynews.com
Kismaayo.