Home | Submit News | Forum | Contact

Kadib weerarkii shalay (Sept 18, 2024) lagu qaaday kolanyaddii waday Madaxwayne C/llahi Yusuf, ayaa wararku waxay sheegayaan in xaalada magaalada Baydhabo ay aad u kacsan tahay!

Laba todobaad ka hor waxaa jiray dagaal 5 qof ku dhimatay 7 kalana ku dhaawacantay. Dagaalkan oo ka dhacay Garoonka Dayuuradaha ee Baydhabo, kasoo dhexmaray ciidanka gaarka ah ee Madaxwaynaha iyo Malayshiyo Beeleed Garoonka Dayuuradaha maamuli jiray. Dagaalkaas oo sababay in maamulkii Garoonka Dayuuradaha uu lawareego ciidankii Madawaynaha daacada u ahaa. Arintaas oo dhalisay cabsi wayn oo ku timid nolosha taliyihii ciidanka Garoonka Dayuuradaha qabsaday, taasoo keentay in Madaxwaynuhu si qarsoodi ah taliyihii ula baxsaday Nairobi si naftiisa loo badbaadiyo.

Hasayeeshee maamulkii gobolka Bay iyo Beesha Digil & Midhifle oo uu hormuud ka yahay Xildhibaan Maxamed Ibraahin Xaabsade oo ka tirsan xukuumada rai'salwsaare Geedi ayaa wacad ku maray inay ka Aargudan doonaan kuwii kadanbeeyay xasuuqii dhalin yaradii lagu gumaaday Garoonka Dayuuradaha ee Baydhabo. Xildhibaan Xaabsade, Saransoor iyo rag kale oo ay arintu meel adag kataagan tahay ayaa ku hanjabay in C/llahi Yusuf iskaga huleelo Baydhabo, haddii kale xoog looga caydhin doono!

Waxaa kaloo jirta inay xurguf siyaasadeed kadhaxaysay Madaxwaynaha iyo Ra�iisal Wasaare Geedi, iyadoo Itoobiyaanka lagu tuhunsan yahay naas-nuujinta Prof. Geedi.

Haddaba, iyadoo arimuhu sidaa u cakiran yihiin, ayay dhacday shalay (Sept 18, 2024) isku daygii dilkii fashilmay ee Madaxwyne C/llahi Yusuf.

Madaxwyne C/llahi Yusuf oo ay kamuuqato wajigiisa argagax ayaa BBC da u sheegay in dhamaan dadkii gaadhigiisa lasocday ay waxyeelo soo gaadhay; qof walba oo naga mid ah meel ayuu ka gubtay. Sidaa waxaa yiri Madaxwyne C/llahi Yusuf. Waxaana wararku sheegayaan in Madaxwaynuhu lug iyo gacan ka gubtay.

Dadka madaxwaynaha ku dhawdhow waxay sheegayaan in dharkii Madaxwaynahu gubtay qayb ahaan, iyadoo Madaxwaynaha dhulka lagu galgal siiyay si loo damiyo dabkii ka holcayay dharkiisa!

Madaxwyne C/llahi Yusuf gaarigii waday oo Danbas noqday!


Wararku waxay sheegayaan in Madaxwaynuhu ku soo noqday baabuurtii gubanaysay kadib markii loo sheegay in walaalkiis G/Sare C/Salaan Ahmed Yusuf (Jigre) uu kamid yahay ragga gawaadhida gubanaysa kujira. Goob joogayaashii meesha shilku ka dhacay waxay sheegeen in Madaxwayne C/llahi Yusuf ilmeeyay aadna uga naxay dhimashada walaalkiis oo lasheegay inuu ahaa gacantiisii midig.

Dadka aqoonta uleh Madaxwayne C/llahi Yusuf waxay tilmaamayaan in C/llahi ay kasuurowdo inuu ku dhaqaaqo Aar-gudasho degdeg ah. Waxaa kaloo buuq iyo balaayo kale ka furantay Ansixintii Baarlamaanka ee dawladdii Prof. Geedi oo dhacday xilli uu mayd iyo dhaawac badani hordaadsan yahay guriga ADC ee lagu ansixiyay dawlada Prof Ali M. Geedi, iyadoo xoogaga shisheeyuhuna ay ka faaiiday sanayaan qaska iyo labka Somalida dhexyaala maanta!

Fadlan lasoco GodeyNews waxii ka soo kordha dhacdooyinka Somalida.

GodeyNews Staff