Home | Submit News | Forum | Contact

Wariyaha warsidaha Godeynews ee magaalada Kismaayo ayaa saacad kahor noo xaqiijiyay in Barre Hiiraalle iyo maleeshiyo beeleedkiisiiba ay magaalada kabaqadeen una baqdeen dhinaca Airportka Kismayo.

Kadib markii si daba joog ah illa iyo xalay loo xaqiijinayay in Ciidamada maxaakiimta Islaamiga ah ay xalay soo gaareen degmada JILIB iyagoo wata gaadiid dagaal iyo ciidan fara badan oo kuwada labisan dirayska ciidamada milatariga, isla markaasna u badan guutada dagaalka ee AL-SHABAAB.

Hal saac kahor maray Godeynews xiriir lasemaysay masuuliyiinta sarsare ee ciidamada maxkamadaha mid kamid ah waxuu noo xaqiijiyay inay kusugan yahay JILIB ayna kusoo dhaqaaqayaan dhinaca magaalada dekadda ah Kismaayo ee ay inta badan maleeshiyo beeleedka Gulgudud katalinayeen.

COL. C/risaaq Fasaleeti oo ah abaanduulaha ciidamada maxaakiimta qeybtooda jubooyinka ayaa ah nin aad ay dagaal oogayaashu Muqdisho uga cabsoodan maadaama uu ahaa ninkii hogaaminayay dagaaladii ugu adkaa ee ciidamada maxaakiimtu kugaleen Muqdisho. Dagaalka sida fiican loogu xusustana waxu ahaa ayaa layiri kii C/Qabdiid iyo maleeshiyaadkiisaba looga sifeynayay Muqdisho iyo agagaarkeeda.

Dhinaca kale waxaa iyadana naloo xaqiijiyay inay soo dhaqaaqeen ciidamadii sida goonida ah u tababarnaa ee Sheekh Xasan Turki fadhiisinkana kulahaa magaalada Raaskannbooni, iyagoo lafilayo inay jid-gooyo kusameeyaan maleeshiyada Barree Hiiraalle ee baqada ah, isla markaasna ay Magaalada Kismaayo kasoo geli doonaan dhinca Airportka.

Magaalada Kismaayo ayaa illaa iyo xiligii uu burburay qarankii soomaaliyeed noqotay meel aysan cid quman katalinin, colaaduna aysan kadhamaanin, iyadoo gacmo kala gedisan soo martay ayaa waxaa inta badan magaalada Kismaayo ku amar taaglayn jirey dad aan u dhalanin deegaanka.

Balse waxaa hadda soo muuqda yididiilo nabadeed oo horseedi karta in xoogaga maxaakiimtu magaalada kasifayaan qaqablayaasha dagaalka ee aan udhalinin deegaanka magacyada iyo meeqaanada kuyeeshay haysashada magaalada Kismaayo.

C/laahi Sheekh,
Godeynews.com
Kismaayo.