Home | Submit News | Forum | Contact

Ciidamada maxkamadaha islaamiga oo wata in kabadan 100 gawaarida dagaalka ayaa si nabad galyo ah iyagoon xabad qosh kasiinin magaalada Kismaayo kasoo galay jidkasta oo magaalada soo gala.

Xoogaga maxkamada ayaa xalay iyo illaa saaka iyagoo raxan raxan usocda gacanta kudhigay garoonka diyaaradaha, dekadda weyn ee magaalada iyo dhamaanba xarumaha muhiimka ah ee magaalada Kismayo.

"Kismayo waxaa loo xoreeyay shareecada islaamiga. Waxaana laga xoreeyay dulmigii dagaal oogayaashu ay inta badan kuhayeen" Sheekh Xasan Turki hadalkiisii u kajeediyay beerta xoriyadda kismaayo;

Sheekh Xasan Turki ayaa horay warbaahinta uga sheegay in isaga loosoo magacaabay goballada jubooyinka oo deegaan ahaan kasoo jeedo xilli dhowna u kunoqon doono magaalada Raaskanbooni oo ah fariisinka ciidamadisa. Sidoo kale waxu Sheekh Xasan Turki sheegay inuusan marnaba u ogolaan doonin in dekadda iyo Airportka kismaayo ay ciidamo shisheeya hub kasoo dejiyaan maxaakiimta islamiga lagula dagaalami doono, isla markaasna ay cidamadisu xirayaan dhamaan dhulka xaduudada ee ku aadan goballada jubooyinka iyo Gedo.


Dhinaca kale waxaa taageero buuxda siiyay Sheekh Xasan Turki Gudoomiyaha golaha fulinta maxkamadaha islaamiga soomaaliyeed Sheekh Shariif Sheekh Axmed oo weraysi siinayay BBCda afka soomaaliga kusheegay inay Kismaayo kamid noqotay magaalooyinka ay maxkamaduhu islamigu kataliyaan.

"Ciidamada Maxkamaduhu ma aysan weerarin Kismaayo ee shacabka ayaa u baahan oo codsaday. Qaar kamid ah madaxda shurudada maxaakiimta islaamiga sida Sheekh Xasan Turki ayaa kasoo jeeda goballada jubooyinka waana sharaf inaan madaxdaas kutaageero go,aan kasta oo ay qataan madaama ay iyagu dagaaladii xamar lanaga qeyb qaateen" Sheekh Shariif Axmed

Isu soo ururiyoo qabsashada magaalada Kismaayo oo ah meel istraaatiiji ah ayaa waxay baabisay hanqal taagii iyo hungurigii ciidamada cadowga ku ah soomaaliya. Waxayna kor u qaaday rajadii laga qabay in ciidamada maxkamaduhu la wareegaan dhamaanba soomaaliya, gaar ahaan goballada konfurta soomaaliya.


C/laahi Sheekh,
Godeynews.com
Kismayo.