Home | Submit News | Forum | Contact

Masuliyiinta golaha maxaakiimta soomaaliyeed ee goballada jubooyinka ayaa kullan layeeshay masuuliyiin dhaqameed iyo dad waxgarad ah oo kasoo jeeda beesha Harti kuna sugan magaalada Kismaayo.

Waxgaradka beesha Harti ayaa kulankaas ku cadeeyay inay si buuxda u taageersan yihiin golaha maxaakiimta islaamiga iyo kudhaqanka shareecada islaamka oo ah midka kaqaaday dulmigii iyo dulaysigii dooxada jubba mudada dheer ay kuhayeen shacaka magaalada Kismaayo.

Sidoo kale waxgaradku waxay qadka telkefoonka kula xiriireen M/weynaha Soomaaliya mudane C/laahi Yuusfi oo ay isku qoys yihiin, isla markaana usheegay dareenkooda taageereed ee ku aadan xoogaga maxaakiimta, waxayna usheegeen inuusan C/laahi Yusuf marmnaba Barre Hiiraale taageero kusoo siinin inuu dagaal kusoo abaabulo deegaanada Jubooyinka isagoo edeegsanaya ciidamada Ethiopianka.

Dhinaca kale waxay usheegeen C/laahi Yusuf inuusan shaqo kulahayn arimaha Kismaayo ,isla markaasna ay tahay arin deegaaneed oo taladeedu u taallo dadka walaalaha ee wada degan dhulka jubooyinka.

Warar kale ayaa waxay sheegayaan in magaalada Baydhabo ay gaareen xubno kasoo jeeda jabhadii burburtay ee dooxada jubba iyo qolyo xildhibaano ah oo ay iskubeel yihiin kuwaasoo si wdajir codsi ugu gudbiyey M/weyne C/laahi Yuusuf inuu siiyo taageero ciidameed oo uu Ethiopianka ula hadlo si ay dib ugu jabhadeeyaan dhulkii laga qabsaday.

Laakiin codsigoodii waa ladiiday waxayna kala kulmeen waji gabax iyo diidmo qayaxan oo kaga imaatay dhinaca C/laahi Yuusuf oo sida lasheegayo usheegay sidan;

"Magaalada Kismaayo markii horeba waxaad kujoogteen xoog iyo gardarro hadana hadii xoog la idnka soo saaray iimana muuqato sabab aad ugu jabhadeysaan dhul iyo deegaan iinan u dhalanin shaqona kulahayn."

Hadaladan ayaa dad badan kufasireen labo arimood oo kale ah;

1-C/laahi yuusuf oo aan awood ciidan kutaageeri karin Barre Hiiraale madaama uu isaga laftigiisu haysanin ciidan aan kahayn midka beeleedka ee Baydhabo kusugan

2- C/laahi yuusuf oo kufaraxsan in Barre Hiiraale oo carar ah uu hoos yimaado, magana isaga u ahado sidii qabqablayaashii hore ee dagaaladii Xamar ciidamada maxaakiimtu kaga soo adkaadeen.

Iskusoo uruuriyoo dadka kudhaqan deeganada goballada Jubooyinka ayaa si diiran oo wadajir ah usoo dhaweeyay lawareegitaanka ay ciidamada maxaakiimtu lawareegeen talada iyo maamulka goballada jubooyinka oo in badan gacanta ugu jirtay kuwa nacab ah oo aan udhalanin deeegaanka.

C/laahi Sheekh,
Godeynews.com
Kismaayo.