Home | Submit News | Forum | Contact

Abshir Bacadle oo ah gabayaa soomaaliyeed oo caan ah, isla markaasna inta badan tiraya gabayada diiniga iyo kuwa wadaniga ayaa maanta gabaygan iyo jiiftadaba ugu talagalay qabsashada Sheekh Xasan Turki oo horkacaya xoogaga maxaakiimta islaamigu soomaaliyeed kula wareegeen talada magaalada Kismaayo. " Hirka Absame haddii aanan ku helin ma ihi deegaane"


Diiwaanka Taariikhda gabay daabacaan tirini

Ninkii dudaya yeelkiiye garsoor dow ahaan ridiye

Yaa deegaan ah, yaa dool ah baan diirka ka cadeyni

Anba doolka yimid baan ihiyo duulka soo galaye

Hirka Absame haddii aanan ku helin ma ihi deegaane

Dawankii colaadoo Jubadda hoose dananaayey

oo doolku wadi jiray haddaa daawo loo helaye.

Rag isku darahoo deegaan ahoo diin leh baa tegaye

Oon duulaan ku aadine ku tegay dalabka deegaanka

Daroogada cagaaran inteey dilatay mooyaane

shacabku waa ku diirsaday xaqii daaha laga qaaday.

War-day & Absame waa degaan kalase deyr weyne

Doqon-diide & Cowramale, Dir & Sheekhaasha, Mushunguliga Xeebaha degiyo webiga daaciisa, Hartigu waa deegaan la hubo oon ciddina diideyne.


Taariikhda duuga ahi waa lama daboolaane.

Siddeedani deegaan weeye haba kala danbeeyeene

Digil ya Ciis deegaan ma ahan waa deris wadaagaane

Daa�iratu Seban buu waqtigu daadihinayaaye

Waa daalac naasile Baroow damaca aashaada

Nin dool ihi hadduu qolo didshoo dega makaankooda

Oo loo daayo seban wuxuu is dhihi dowlad baa tahaye

Lama dooran, mana aha deegaan duullan buu wadaye

Asba Morgan buu didayayoo loogu dowgalaye

Ina Aadan dheeruu ku daray kama dambeysiinee

Dubuhuu la rabay ina Cigaal dib ugu soo laabay

Hadalaabo Hiiraale kuwo diin leh baa yimide

Ninka daadka sheegoo rabbigeey guusha ugu deeqay

Dirkii waa Absame, kuna darsaday Daahi Caalim ahe

Yaan damac ku gelin 100 kun buu daadihinayaaye

Dibedahana meer waa digii diiday nabadiiye

Ama diinta raac waa dantaa labada daarood ba.


SHIRIB

Dad waa dool dadna waa deegaan

Deris wanaagse diidi maa


Dawanka Tigri waa damaa

Dad diin lahaa dalkoow heraa




Col. Hiiraale waa kudeee

Kitaabka ALLE kukta saar


Qabiil & Qaad u qeyliyoow

qowlkoodu qiima yeela maa


Barre Bax Baydhabaa xigtee

Kitaabka baahay maw bogteen.?


Godeynews.com