Home | Submit News | Forum | Contact

Ideecada Radio Xoriyo oo kuhadasha codka jabhadda JWXO ayaa waxay sabtidii lasoo dhaafay sii daysay war sheegayay inay xilkii ururuka laga qaaday Gud. Admiral Maxamed Cumar Cismaan, kadib markuu kutuntay xeerkii iyo qawaaniintii kala hagaysay xubnaha ururka; waa sidey hadalka u dhigeene.

Warkan lagu sheegayo xil kaaqaadista Maxamed Cumar Cismaan ayaa in badan oo kudhagaystay gudaha wadanka waxay kutilmaameen mid ay aad ula yaabeen, isla markaasna kunoqotay mid lama filaan ah oo aysan xiligan dhawraynin inay dhacdo.

Siideyntan warkan ayaa waxaa kadan beeyay qaar kamid ah xubnihii sarsare ee ururka golihiisa dhexe hada kahor laga saarey iyo qaar kale oo wali u dagaalamaya dib usoo celinta xubnahaas.

Sidoo kale waxay qaar kamid ah xubnahaas Godeynews uxaqiijiyeen inay la wareegeen ideecadii Radio Xoriyo qaybteeda hawada oo ah ideecada gudaha wadanka laga dhagaysto, isla markaasna muhiimada badan oo warbaahineed u lahayd inta taageersan Jabhadda ee kusugan gudaha wadankii.

Dhinaca kale waxaa lasheegayaa in xalay war rasmi ah oo lagaga hortagayo arinkaas lagasii daayay ideecad kale oo kutaalla wadanka Eriteria taasooy jabahda Onlf qayb kaga hadasho lagu sheegay in ideecadii Radio Xoriyo ay la wareegeen qolyo ushaqeeya gumaysiga Ethiopia, isla markaasna ka falaagoobay mabaadiidii jabhadda.

"Waxaan uga digaynaa xoogaga xaq udirirka jabahda wadaniga xoreynta Ogaadeeniya inay ku khaldamaan wararkan beenta ah ee laga baahinayo ideecada Radio Xoriyo oo hadda gacanata u gashay canaasiir kooban oo kasoo horjeeda masiirkii ummada" Waa hadalkii ideecada Eriteriya ee codka JWXO.

Iskusoo uruuriyoo illaa iyo intii golaha dhexe laga eryay 11ka xubnood oo sidaan ognahay qaarkood ay ururka dhexdiisa kulahaayeen miisaan iyo magacba ayaan illaa iyo intii la eryay aan wax ficil ah oo muuqada kaga hor imaanin arinkaas.

Laakiin hadda sida muuqata waxaad moodaa inay iyagu ka danbeeyaan kacdoonka lagula wareegay Radio Xoriyo laguna sheegayo inay xilki ka qaadeen gudoomiyihii ururka Admiral Max,ed Cumar Cismaan.

Dhinaca kale warsidaha Godeynews waxaa soo gaaray warqad magacii iyo astaantii jabahadda wadata oo lagu sheegayo inay tahay bayaankii laga akhriyay ideecada Radio Xoriyo (qaybteeda hawda 29/09/06) ee lagu sheegayay in xilkii lagaga qaaday gudoomiyaha ururka onlf Admiral Max,ed Cumar Cismaan.

Waxaa dhici karta inaan soo daabcno warqadaas saacadaha nagu soo aadan.

Axmed Cilaan,
Godeynews.com
Jijjiga.