Home | Submit News | Forum | Contact

Col. Barre Aadan Shire �Barre Hiiraale� oo ahaa hoggaamiyihii ugu dambeeyay ee laga saaray Magaalada Kismaayo waliba si nabdoon ayaa maalmihii dambe oo idil ka waday Magaalada baardheere kasbasho uu kudoonayay in uu ku kasbado Shacbiyadda Beesha uu kasoo jeedo oo Magaalada Baardheere Degta.

Barre ayaa ku qalqaaliyay Beeshiisa in ay la galaan dagaalka uu kudoonayo in uu ku qaado Magaalada Kismayo si dib uu ugu qabsado Gobolada Jubbooyinka ayaa waxa uu kala kulmay diidmo qayixan.

Diidmada ay ka muujiyeen Beeshiisu in ay taageeraan ayaa waxaa ka dambeysay kadib markii ay ku qabsadaan in wixii kasoo gali jiray Dekedda magaalada Kismaayo uu isaga maamulan jiray isla markaana ugu takri fali jiray hadba sida uu doono oo aanu waxba kasiin jirin Beesha uu kasoo jeedo.

Mas'uuliyiin katirsan Beeshiisa oo si hoose ugu waramay Shabakadda Islaamiga ah ee Qaadisya ayaa sheegay in Barre ay ka diideen in ay la saftaan maadaama intii raaxada uu kujirayba uu isaguba soo xusuusan waayay beeshiisa iminka oo dhibaato uu kujirana aysan ku habooneyn in ay la saftaan, waxaase jira qaar kasoo horjeeda Qorshaha Barre Hiiraale uu kudoonayo in uu dib ugu weeraro Magaalada Kismaayo in ay tahayba mid qalad ah.

Waxaa laga qaban qaabinayaa qeybo kamid ah Gobolka Gedo Kacdoon shacab oo ka dhan ah Dagaale ooge Barre Hiiraale oo weli damaciisu kujiro in uu weerarar kusoo qaado magaalada Kismaayo, waxaana kacdoonkaasi wada iminkaba qeybaha kala duwan ee Bulshada Gobolkaasi kudhaqan oo ay ugu horeeyaan Culimada maadaama Barre hiiraale uusan weligii wax axsaan ah u sameynin Culumaa'udiinka.

Shacbiga Soomaaliyeed ayaa hadaba laga doonayaa mar waliba in ay lamid noqdaan kuwa Gobolka Gedo oo kasoo horjeestay weerar lagu qaado magaalada Kismaayo maadaama xaq iyo baadil aysan is qaadan Karin isla markaana laga gudbay xilligii Hoggaamiye kooxeedyada loona gudbay xilligii dadka loo bari lahaa kudhaqanka Shareecada Islaamka.


Godeynews.com

Xigasho:Qaadisya.com