Home | Submit News | Forum | Contact

Wararka naga soo gaaraya magaalada Baardheere ee gobalka Gedo ayaa waxaa laga soo sheegayaa in maleeshiyo beeleedkii uu horkacaya Col Barre Shire Hiiraale ay bililiqo xoogan iyo booba ay kusameeyeen dadka shacabka ahaa ee ganacsiga kuhaystay gudaha magaalada Baardheere iyo waliba tulooyin aan kafogayn hareeraha magaalada.

Maleeshiya beeleedkan ayaa waxaa soo foodsaartay cunto la,aan iyo hoy xumo daran oo lasoo gudboonaatay illaa iyo intii xoogaga ciidamada maxaakiimta islaamiga soomaaliyeed ay kasoo saareen magaalada Kismaayo oo ay muddo dheer kuxukumi jireen isbahaysigii xaaranta ahaa ee walaalaha Galguduud.

Hadaba si arintaas wax looga qabto ayaa waxaa waxgaradka deegaanku iyo dadka ganacsatada ahba ay Barre Hiiraalle usheegeen inuu maleeshiyadiisa kala baxo gudaha magaalada iyo hareeraheeda. Sidaas darteed waxaa laisla gartay in ladejiyo meel magaalada ujirta 7-9km oo kufadhida jidka iskuxira magaalada Saakoow-Baardheere taasooy markay maleeshiyo beeleedku gaareen tuulada KORMAREY ay iyadan bililiqo labeegsadeen oo ganacsato kale ay meeshaas kudhaceen.

Kasoo saarista maleeshiyo beeleedka magaalada Baardheere gudaheeda oo bililqo xoogan kawaday ayaa warbaahinta iyo websiteyada maxaliga ah waxay kufasireen inuu duulaan kuyahay goballada jubooyinka. Balse xaqiiqdu sidaas way kafogtahay oo waxgaradka beeshe SADE waxay Col Barre Hiiraale usheegeen inaysan xilagan diyaar u ahayn dagaal qabiileed oo isaga dantiisu kujirto balse aan wax dan ah iyo faa,iido toona ugu jirin beelweynta Sade-Daarood.

Iskusoo wada duduboo dad masuuliyiin ah oo kudhaqan degmooyinka Salagle iyo Saakoow oo Godeynews khadka telefoonka kula xiriiryay waxay u xaqiijiyeen inay xaalada deegaanku degan tahay, isla markaasna ay aad ula yaabin yihiin waxyaabaha ideecadaha soomaalida laga sheegayo.

"Wax dhaqdhaqaaq ciidan ah majiro oo aan kahayn kuwa maxaakiimta oo maalmihii lasoo dhaafay kusugnaa goballada jubooyinka. Barre Hiiraalena illaa iyo hadda mahelin awood ciidan oo uu kusoo haweysto rogaal celis dagaaleed." Sheekh Nuur oo kamid ah masuuliyiinta degmada Saakoow.

C/laahi Sheekh,
Godeynews.com
Kismaayo.