Home | Submit News | Forum | Contact

Weraysi dheer oo ay warbaahinta Ethiopia layeelatay Suldaan Aden Yuusuf Taani ayaa waxuu weerar isadaba joog ah kuqaaday siyaasadda iyo qaabka jabhadda ONLFta uu howl-gasho.

Suldaan Taani ayaa yiri " Waxay jabhaddu toogatay dad badan oo birma gaydo ah sida dad waayeel, caruur iyo waliba haween masaakiin oo kabadan 200 qof intooda badana lagu dilay deegaamada Qorexay, Wardheer, Fiiq iyo Dhagaxbur. Wiilasha qoriga sita khalad iyo saxba qofkay dilaan cidi isma weydiiso."

Dhinaca kale maruu kahadlayay jabhadda dhexdeeda waxuu yiri;

"waxaan ONLF uga soo tagay markaan arkay inaysan jirin xisaabtan dhab ah iyo wax qawaaniin ah oo ladhawrayo, banaankana ay usoo baxday in lagu hawl galayo qaab qabiil iyo danaysiyo gaar ah oo aan xuduud iyo xisaabtan toona lahayn. Sidaas darteed mar hadii laga leexday qawaaniintii iyo hadafkii ururka oo dad gaar ah loo dabo socdo qaab qabiil ah waxaan go,aansaday inaan intaas kabadan shacabkeyga dhibaateynin oo aan qof qabiil u raacin. Hadii aan qof qabiil uraacayana aan kuqasbanahay inaan dib ugu noqdaa dadkaygii aan Suldaan beeleedka u ahaa kahor intii aanan duurka soo gelin oo aan faraha kala baxo waxa aan kujiro oo rajo iyo mustaqbal la,aan ah"

Waxaan is ognahay oo aan wada soconaa rag kale oo wali kujira duurka, waxaana kusii dhiiri gelinayaa inay dib usoo noqdaan oo ay kasoo qeyb qaataan horumarka dhulkooda isakagana soo haraan waxaan natiijo kasoo dhaween oo wakhti dhumis ah. Waa siduu hadalka udhigee.

Hadalada Suldaan Aden Yuusuf Taani oo aad u dheeraa ayaa mar wax laga weydiiyay sida u arko magaalada Wardheer iyo inuu kadareemayo wax isbedal ah oo dhinaca horumarka ah? Waxuu kujawaabay aad ayay isu badashay Wardheer oo waxaan dhihi karaa 13sano ee aan duurka kujiray waxaa kudarmaday 4laab intii aan ku ogaa sida laigu yirina waa meelaha ugu horumarka yar.


Wareysiga lala yeeshay Suldaan Taani ayaa ahaa mid aad udheeraa oo badankiisu ahaa mid "xinjira fajaas", isla markaasna u badnaa eedayn iyo weerar farabadan oo kadhan ah siyaasadda Jabhadda ONLFta oo uu muddo dheer kamid ahaa masuuliyiinteeda sare oo khalad iyo saxba majaraha u hayay talada ururka.

Waxaa kaloo hordhacii wareysiga Suldaan Taani lagu sheegay inay jiraan xubno aan lamagac dhabin oo kamid ah ururka ONLF oo iska soo dhiibay meelo kamid ah gobalka Godey.


Axmed Cilaan,
Godeynews.com