Home | Submit News | Forum | Contact

Wararka rasmiga ah ee naga soo gaaraya magaalooynka Baydhabo, Baardheere iyo waliba Bu,aalle ayaa sheegaya in ciidamo fara badan oo isugu jira maleeshiyo beeleedyo Majeerteen/Mareexaan iyo kuwa Ethiopia ay duulaan kusoo yihiin goballada jubbbooyinka oo ay kataliyaan xoogaga maxkamdaha islaamiga soomaaliyeed.

Ciidamadan duulaanka ah ayaa lasheegaya inay hadda soo gaareen meel 20-30km ujirta magaalada Bu,aale oo ay kusuganyihiin ciidamada maxaakiimta islaamiga soomaaliyeed oo kujira heegankii ugu sareeyay illaa iyo inta laxasuusuta.

Saacadahan soosocda ayaa lafilayaa iskudhicitaan dhexmara isbahaysagan xaaraanta kusoo bahoobay iyo ciidamada maxkamadaha islaamiga oo iyagu wacad kumaray inay cadow kastaba kadifaaci doonaan dalka, diinta ayna dib usoo celinayaan sharaftii iyo karaamadii dhimatay ee Ummada Soomaaliyeed.

C/laahi Yuusuf oo laga sugayay inuu soomaali maamulo oo uu kasaaro dhibaatada kuhabsatay 16kii sano ee lasoo dhaafay ayaa maanta markuu wax kastaba kusoo fashilamay usoo tafaxeytay qaqable dagaalnimo, islmarkaasna usoo diyaar garoobay inuu lasafto beesha uu kadhashay oo in mudo ahba kutaamaysay qabsashada magaalada Kismaayo oo ay hada kahor maaro iyo awood toono u waayeen.

Meelishiyo beeleedka C/laahi Yuusuf iyo masuliyiintooda kusugan Baydhabo ayaa iyagu cadaystay inay Kismaayo kuduulayaan iyagoo kaashanaya ciidamada Ethiopia iyo kuwa kale oo aan kala aqoon meesha ay deegaan uleeyihiin iyo meesha kale.

Waxaa warsidaha Godeynews loo xaqiijiyay in maleeshiyo beeleedkii laga soo uruuriyay Puntland oo in muda ahba Baydhabo kusugnaa ay hadda iyaga iyo kuwa Ethiopian ah iyo kuwa Barre Hiiraale ay dagaal kusoo yihiin magaalada Bu,aalle oo lafilayo saacadaha soosocda inuu kaqarxo dagaal lagu hoobto oo qolo loo awood sheegto.

Iskusoo uruuriyoo dadka kudhaqan goballada jubbooyinka ayaa maanta hiil iyo hooba lagarab istaagan midowga maxaakiimta islaamiga soomaaliyeed oo deegaanada jubbooyinka keenay cadaalada, sinaan iyo amaan aan hadda kahor kajiri jirin deegaanka.

Waxeyna kasoo horjeedaan wax kasta oo wax udhimi kara aminiga iyo nabada ay keeneen midowga maxaakiimta islaamiga. Dhinaca kalena waxay kasoo horjeedaan weerarka gardarada ah ee ay isku soo bahaysteen inay jubbooyinka kuqabsadaan meeleeshiya beeleedyada C/laahi yuusuf, Barre Hiiraale iyo kuwa Ethiopianka.

Waxii kasoo kordha arimahan cusub kala socda qormooyinka danbe ee Godeynews.com.

C/laahi Sheekh,
Godeynews.com
Kismaayo.