Home | Submit News | Forum | Contact

Warar Godeynews kasoo gaaraya ilo muhim ah oo ku sugan Degmada Bu,aale oo ah xarunta Gobolka Jubbada dhexe ayaa waxa sheegayaan in meel wax yar ujirta magaalada Sakoow uu ka dhacay dagaal kadhex dhacay
Maleeshiyooyinkii in mudo ahba loosoo uruurinayay qaqable dagaal Col. Barre Hiiraale si ay dagaal ula galaan Ciidamada Midowga Maxaakiimta Islaamiga ah ee ku sugan deegaankaasi.

Dagaalkan ayaa lagu soo waramayaa inuu saakay ka dhex qarxay Maleeshiyooyinka Barre Hiiraale ka dib markii sida la sheegay ay isku khilaafeen cabsida lasoo gudboonaatay maleeshiyada horboodiya dagaalka larabo in lagu qaado Ciidamada Maxaakiimta oo iyaga aad uga awood badan meel aan kafogayna difaac kaga jira.

Wararka waxay intaasi sii raacinayaan in dagaalka u dhexeeya maleeshiyo beeleedka Barre ee kadhacay meel Saakoow ujirta 12km ay isaga dileen ugu yaraan 5 maleeshiyo ah, halka dhaawacyo culisi ay ka soo
gaareen tiro kabadan 15 maleeshiyo ah. Illaa iyo hadda oo aan warkan qoreynana waxaa wali socda dagaalkaas u dhexeeya maleeshiyo beeleedka Barre Hiiraale uu horboodiyo.

Dhinaca kale wararka laga helayo Deegaanada kudhow magaalada Bu,aale ayaa waxay intaasi kudarayaan in Maleeshiyooyin ka tirsanaa kuwa Barre Hiiraale ay isku dhiibeen Ciidamada Maxaakiimta ee Ku sugan Bu,aale, isla markaasna ay codsadeen inay laga badbaadiyo gulufka colaadeed haatana ay si nabad galyo ah ula joogaan Ciidamada Midawga Maxaakiimta Islaamiga Soomaaliyeed oo xarunta dhaqan celinta maleeshiyaadka ee magaalada Bu,aale usii gudbin doono.

Khilaafka gacan ka hadalka keenay ee udhexeeya maaleeshiyada Barre Hiiraale ayaa soo ifbaxay xilli xaalada deegaanku ay aad u kacansan tahay oo lafilaayo in ciidamada maxaakiimtu ay talaabooyin military oo kama danbays kaqaadaan maleeshiyada Barre Hiiraale oo si ismiidaamin ah usoo siqiya hadda kahorna wax garadkooda dhowr mar looga digay in Barre Hiiraale dagaal kusoo qaado Jubbooyinka.

Laakiin waxaa loo sheegay hadii ay taas dhacdo inay kuwii soo abaabulay dagaalka ay kamsuul yihiin cawaaqib xumida ka imaata dagaalkaas oo aan ku istaagi doonin goballada Jubbooyinka, balse waxuu dagaalku ugudbi doonaa magaalooyin hadda nabad lagu joogo.

Godeynews.com
Kismaayo.