Home | Submit News | Forum | Contact

Dagaalkii soo afjarmay ee udhexeeyay cidamada MMI Soomaaliyeed ee Jubboyinka iyo kuwa Barre Hiiraale ayaa sida laga war qabo waxaa maleeshiya beeleedkii Barre Hiiraale kaga dhintay dad fara badan oo inta laga warqabo tiradoodu udhexeeyso 48-60.

Halka Midowga Maxaakiimta ay kaga shahiideen 3 xubnood oo labo kamid ah ay kudhinteen rasaas kahaleeshay dagaalkii meesha midka kalena ay si kama ah ay ugu qaraxdey Miino uu kala furfurayay.

Wiilashan kashahiiday guutada Al-shabaab ee Midowga Maxaakiimta ayaan illaa iyo hada magac yadooda aanan helin, balse waxaa warsidaha Godeynews loo xaqiijiyay inay wiilashan kasoo kala jeedaan goballada Togdheer, Bakool iyo Jubada Dhexe oo dhamaantood kamid ah Jamhuriyada Soomaaliya.

Sida aan lasocono dagaalku waxaa lagu furtay gawaari dagaal iyo kuwa kale oo isugu jira xamul iyo kuwa lagu raaxaysto oo isugeyn lagu sheegay inay gaarayaan 36 gawaari ah oo ay 18 kamid yihiin kuwa dagaalka ee qoryuhu ku xiran yihiin.

Hadaba baabuurta lagu raaxaysto qaarkood ayaa waxaa kala ahaa dagaal oogayashan isa soo kaashaday waana kuwan magacyadooda;

1-Barre Hiiraale gaari Landcruiser VX (Daba-dhiibato) oo lacag cash ah, telefoonkiisa Thuraya iyo computero ay caartada dagaalka ay Askarta Ethiopianku ku hawl galayeen
2- C/rashiid Xidig gaari Qooqan 2 shirlay ah
3- Cabdi Shire Gaari Nissan Petrol
4-Yaasiin Raadar Gaari Nissan Petrol

Sidoo kale baabuurta waxaa kujiray baabur ay iska lahaayeen dad rayad ah oo baabuurtooda laga soo qafaashay iyagoo badeeeco keenay meelo kamid ah Gobalka Gedo, gaar ahaan magaalada Baardheere oo ahayd meeshii Barre Hiiraale kasoo abaabulay dagaalka lagu jabiyay.

Sarkaal kamid ah ciidamada maxaaakiimta Bu,ale ayaa sheegay in loo celin doono dadkii lahaa baabuurta rayidka ee qaarkood markii horeba qasabka looga soo qaaday.

Dhinaca kale magaalada Baydhabo ayaa xaaladu cirka isku shareertay kadib markii laga soo adkaaday maleehiyadii Barre Hiiraale oo ay hadana ciidamada midowga maxaakiimtu soo gaareen duleedka magaalada Baydhabo oo fariisan u ah dawladda taagta daran ee u madaxda kayahay C/laahi Yuusuf Axmed.

C/laahi Sheekh,
Godeynews.com
Kismaayo-Desk